“Илм ол, ҳунар ўрган,    Ватанинг кутар сени!”  Мавзусида  дарс  ишланмаси.

“Аъло мамлакатнинг  аъло фарзанди, Билиб қўйки, сени Ватан кутади !”

“....Ташналикни  дардида,  умринг ҳам ўтар кетар.Ишонгин эй юртдошим,она  ватанинг  кутар.”

         Она Ватан сўзида боғу бўстонлар, бепоён далалар, мовий осмон, сахий ер, яшаб турган ўлка, оила мужассамдир. Ватанни севиш, у билан фахрланиш,  Она-Ватан бахт-саодати, тинчлиги йўлида, унинг манфаатлари учун курашишдир. Ўтмишда  боболаримиз, азиз оталаримиз ҳам ўз Она-Ватанларини жону дилдан севганлар, унинг иқболи, истиқболи, озодлиги учун курашмаган кишилардан ватанпарвар чиқмайди.

Ватанга муҳаббат туйғуси бўлмаган инсонни чин ватанпарвар дейиш мумкин эмас.      Ватавпарварлик истиқлол мафкурасининг негизини ташкил этувчи қадриятлардан биридир. Бу ҳиссиётни ўз қалбига сингдира олган ҳар бир инсоннинг келажаги порлоқ. Юртини севган,  унинг келажагига ишонган ҳар бир ёш учун юрт тараққиётини таминлашга улуш қўшиш асосий  мақсад  бўлмоғи  зарур.