Тақырып: Алгоритмнiң типтері: сызықтық, тармақталу, циклдiк.

Мақсат: Оқушылардың сызықтық, тармақталу және циклдік алгоритм типтері  туралы білімдерін қалыптастыру.  Көмекші алгоритмдер түсінігімен таныстыру. Оқушыларды алгоритмнің типтерімен  таныстыру. Оқушылардың алгоритм типтерін құру дағдыларын дамыту.Оқушылардың алгоритм құру қызығушылығын жан-жақты тәрбиелеу.

Сабақ түрі: лекция сабақ

Сабақ типі: аралас

Әдіс-тәсілдер: түсіндірмелі – иллюстративті, көрнекілік, сұрақ -жауап

Құрал-жабдықтар компьютер

Сабақ барысы

Ұйымдастыру кезеңі

Үй тапсырмасын тексеру.

1)                                       Алгоритм дегеніміз не?  Алгоритм сөзі қайдан шыққан?

2)                                       Программа дегеніміз не?

3)                                       Атқарушы дегеніміз не? Мысал келтір.

4)                                       Алгоритм командасы дегеніміз не?

5)                                       Атқарушы – адам мен атқарушы – машина айырмашылығы қандай?

6)                                       Атқарушы командалар жүйесі дегеніміз не?

3)                                       Жаңа тақырыпты түсіндіру

Алгоритм құрылымына қарай оны келесі типтерге бөлуге болады:

1.                                       Сызықтық алгоритмдер. Сызықтық алгоритм қарапайым командалар тізбегінен тұрады. Әрекеттердің тізбектей орындалуын сипаттайтын алгоритм – сызықтық алгоритм деп аталады. 

2.                                      

1-ші серия

2-ші серия

Шарт?

иә

жоқ

Тармақталу алгоритмі. Күнделікті өмірде алгоритмдер негізінен тармақтарға  бөлінеді. Бұл тармақтардың орындалуы шарттың орындалуына байланысты болады. Тармақталу алгоритмінде біріншіден, арифметикалық теңсіздік түрінде берілген логикалық шарт тексеріледі. Егер шарт орындалса, алгоритм бір тармақ бойынша (1-ші серия) , ал егер орындалмаса, екінші тармақ бойынша (2-ші серия) орындалады. 

3.                                       Циклдік алгоритмдер. Көптеген алгоритмдерде белгілі бір әрекеттер бірнеше рет орындалады. Математикада, есеп шығару барысында айнымалы мәні өзгеруіне байланысты бір теңдеудің көмегімен бірнеше рет есептеледі.  Алгоритмнің белгілі бір бөлігі бірнеше қайталанатын болса, ондай процессті цикл деп атайды. Қайталанатын бөлігі бар алгоритмдер циклдік алгоритм деп аталады. Циклдік алгоритмдер қолдану арқылы программаны қысқа да нұсқа жазуға болады. Қайталану бөлігіне қайталану (циклдік) командалары қолданады. Қайталану саны белгілі немесе белгісіздігіне байланысты циклдар екі түрге бөлінеді. Қайталану саны белгілі болса, ондай цикл арифметикалық, ал егер белгісіз болса, итерациялық деп аталады.