2012-2013 оқу жылындағы Назарбаев Зияткерлік мектептерінде өткен 9-сыпыптар мен 11-сыныптардың жазған эссесін тереңінен талдау барысы көп жайттарды анықтап берді. Кей оқушылардың  шығарма мен эссені ажырата алмайтыны – негізгі мәселелелердің бірі. Соның ішінде «Ендігі жерде қандай қателіктерді жібермеуіміз керек?» деген сұрақтың туындауы да орынды. 2014 жылдың қаңтар айында Астана қаласындағы Назарбаев Зияткерлік мектебінің эксперт мұғалімі Қ.Бешімбаева өткізген «Эссе – білім алушының тілдік, метатанымдық білігін бағалау жұмысы»  эссені жазу мен оны бағалау процесі қалай іске асуы керектігіне көзімізді жеткізді.