Түсінік  хат

Халқымызда «ізденген  -жетер мұратқа »деген дана сөз бар, яғни әрнәрсені білуге талпынып,білімнің  тереңіне  бойлау – адамды кемелдікке  жеткізеді,рухани байытады. Дүниеде балалар  түсіне  бермейтін  жайттар көп-ақ.Өмірді жете танып  бәрін білгісі  келетін  олар: «Ол  кім»,  «Ол не», «Неліктен»,»Қайда»

«Қашан»- деген тәрізді сұрақтарға жауап  іздеп,тыным таппайды.Олардың осылайша  ізденімпаздық танытуы – табиғи заңдылық.      Осы орайда,балаларға бағыт-бағдар сілтейтін  түрлі  танымдық  әдебиеттердің  көмегі аса  зор. Балалардың  білуге деген  құштарлығын  қанағаттандыру  үшін  «Аруна» баспасынан  шыққан  «Балаларға  арналған  танымдық  энциклопедия»топтамасын пайдалана  отырып, жер және ғарыш туралы  білімдерін  кеңейту  мақсатында  таңдау  сабағының  жоспары  жасалды. Сан алуан тақырыптар  балалардың  жан-жақты кемелденіп, білімін тереңдетуге , өзі өмір  сүріп  отырған  ортаның  қыр-сырын  тануға  аспан денелеріне қиялмен  сапар шегуге, саяхаттауға  көп көмегін  тигізеді  деп сенемін.