Ағылшын тілі сабағында ұлттық құндылықтарды басты назарда ұстау әр ұлтжанды ұстаздың міндеті. Сол себептен мен өз сабақтарымда қазақтың ұлттық ойындарынан элементтер кірістіріп, оқушыларымның ағылшын тілін үйренумен қатар қазақ халқының дәстүрі мен мәдениетінен үлгі алуын қалаймын. Кейбір ойын түрлерін мектеп кезекшілігі кезінде ұйымдастыру балалардың уақытын тиімді өткізуге көмектеседі.

Сабақтарда ұлттық ойын түрлерін қолдану бастауыш сынып оқушыларының шапшаң ойлап, тез шешім қабылдауына мүмкіндік береді. Ойын ойнап, ән салмай өсер бала бола ма демекші, балаларды ойната отырып ойлату балаларда сыни ойлау дағдыларын қалыптастыруға тигізер септігі көп.