Сабақтың тақырыбы:          Келісім түбі – жарастық

Сабақтың мақсаты:

                                    1. «Достық», «сыйластық» адамгершілік құндылықтары 

                                        туралы  түсініктерін кеңейту.

                                     2.келісім, жарастық туралы түсінік беру;

              достыққа бейімділік сапаларын дамыту;

             3. өзара татулыққа, шыдамдылыққа тәрбиелеу;

 Көнекі құралдар: оқулық, дәптер, түрлі-түсті қағаздан қиылған

                                  гүл   күлтелері , слайдтар жинағы.

 Техникалық құралдар: үнтаспа, компьютер, электронды оқулық, 

 Шаттық шеңбер:  Оқушылармен амандасып, С.Молдасанұлының сөзіне   

                       жазылған  Ф.Жолдасованың «Бала тілегі» әнін бірге орындау.

   1. Бал-балалық, балдырған шақ сан арман,

       Барлық бала армандауға жаралған.

       Кел, достарым, әндетіңдер, билеңдер,

       Гүлденсін деп атамекен қара орман.

   2. Болашақтың иесіміз бәріміз,

       Туған жердің түрлендірер нәріміз.

       Алтын бесік – ұлан байтақ елімде,

       Жарқын боолсын шырқап айтар әніміз.

Әңгімелесу:

  Сыныптастарыңмен ренжісіп қалған кездерің болды ма?

   Қалай татуластыңдар?

   Өзгелердің пікірімен келіспеген  жағдайда не істер едіңдер?

   Келісімге келу не үшін   қажет деп ойлайсыңдар?

Мәтінмен жұмыс:   Өсиет әңгіме.

    Бұл оқиға өте ерте заманда болса керек. Адам аңдарды үйіне шақырып, аз-кем кеңес құрыпты.

- Бәріміз бірлесіп, ынтымақты еңбек етсек, қиынымыз жеңілдер еді.   Әрі біріміздің  білмегенімізді екіншіміз айтар ек. Қалай десек те, «Келісіп пішкен тон – келте болмас», - депті.

- Осындай ой-пікірді алғаш айтқан адам біздің иеміз болсын. Мен оның айнымас көлігі әрі серігі болайын,- депті шұбар ат құндыздай жалы жалт-жұлт етіп.

-Адам бізге басшы, біз қосшы болсақ, мен келістім. Адам  мен  ат  ұзақ жолға шыққанда, үй-жайын қорып, күзетуге мен әзірмін,- депті Төбет зор дауыспен арп-арп етіт.

 Бадырайған көзін анда-санда ашып-жұмған Жапалақ Адамның шақыруын құп алмай, ағаш басында жападан жалғыз отыра беріпті.

-          Шақырғана жерден қалма,- деген шұбар аттың сөзін естен шығарыпты.

-          Төрт көзіміз түгел болғанға не жетсін!- деп ынтымаққа шақырған Төбет сөзін місе тұтпапты.

 Бір кезде Адамның, Аттың, Иттің бұны іздеп келе жатқанын байқап қалып, Жапалақ елден ұзағырақ ұшып кетіпті.

 Жапалақтың өз достарынан жеке дара бөлектенуі, оны одан әрі адастырыпты. Өмір сүру тәсілі де өзгеріпті.

 Содан бері Адамның, Аттың және Иттің көзіне күндіз түсіп қалмайын деп, Жапалақ түнде ғана ұшатын болыпты.

·         Адам, Ат, Ит қандай келісімге келді?

·         Жапалақ неліктен жалғыз қалды?

·         Келісімде, жарастықта өмір сүру үшін адамға қандай қасиеттер қажет деп ойлайсыңдар?

Балалардың жауабын тыңдау.

«Келісіп пішкен тон келте болмас», - деген мақалға мән беру.

-Міне, балалар, достықта, ынтымақтасып өмір сүруге келісімін бермеген Жапалақтың өмірі жалғыздықпен өтіп жатыр.Ал достықтары жарасқан Адамның,Аттың,иттің бірлігі келісіп, бірге тату-тәтті өмір сүруге ұласты.

Дәйексөз:  «Келісіп пішкен тон келте болмас»,

Өзіммен-өзім

  Достықтың мәнін тереңірек түсінумен оны терең сезіну мақсатында   

  релаксациалық тәсіл  ұйымдастырылады.

- Балалар, ыңғайланып отырып алыңдар. Көздеріңді жұмсаңдар да болады. Алақанмен тосып алған достық шуағының жылуын сезінейік. Өзіміздің қолымызбен жасаған достық нұры мәңгі жүрегімізде қалуы үшін жарастықты, татулықты жақтайы, әрқашан бірлікте, сыйластықпен өмір сүрейік, деп іштей қайталаймыз. Соның дәлеліндей әркім өзінің қасындағы парталасының қолын алып, ешқашан ренжіспеуге келісім береді. Осылайша жарасымды жұп болып отырғанымызды сырттай қарап отырған Жапалақ та достықтың не екенін енді түсінді. Ол өзінің  ескі достарына қайта айналып барып, кешірім сұрады. Адам, Ит, Ат және Жапалақты кешірді. Оған жақсы дос тілектес болды. Біз де олардың кешірімді болғанына риза боп отырмыз. Осындай ризашылықпен бұрынғы қалпымызға келеміз

Жаңа ақпарат

  Адамдардың бір-бірімен өзара тіл табысуы, түсінісуі, ортақ шешімге келуі оларды  қуанышқа, шаттыққа бөлейді.

Сергіту сәті

     Достығы жарасқан,     (Оң қолын оң  жаққа созады.)

     Сыйлы біз баламыз.   ( оң қолын түсірмей сол қолын сол жаққа созады.)

     Келісіп бәрімен,          ( бір-бірін көрсетеді.)

     Татулықтабамыз.      ( Өзін көрсетеді.)

     Бәріміз бір болсақ,      ( Бәрі қол ұстасады.)

     Бәрінде жеңеміз.

     Күндей боп күлімдеп, ( Қолдарын жоғары көтереді.)

     Таудай боп өсеміз.      ( Қолдарын жоғары ұстаған күйінде біріктіреді.)

Ойын:  Жасырынып қалған қояндарды табыңдар.

Дәптермен жұмыс

  Оқушылар тапсырманы дәптерлеріне орындайды. Орындап біткен соң   

   жария етеді.

Тапсырма : Берілген ойлардың қайсысымен келісесіңдер? Неліктен?

   Сыныпта тату болу.

   Сабақты жақсы оқу.

   Бірін-бірі тыңдамау.

   Мұғалімді сыйлау.

   Сыныптағы заттарды күту,

   Оқулықтарға күтіммен қарау.

   Келіскен уақытқа кешігу.

Назар аударамыз:    Келісім:

  1)  басқалармен жақсы қарым-қатынас жасауға көмектеседі;

  2)  адамдарды бір-бірін жете тани білуге үйретеді;

  3)  басқалардың көңіл-күйін сезіне білуге ықпал етеді.

Жүректен жүрекке:  Е. Жақыпхановтың   «Достарым» әнін бірге орындау.

1.Балалықтан бүлдіршін жыр жазайықшы,

   Анамызға шат күлкі тыңдатайықшы.

   Күй ойнасын кеудеде көктемдей сезім,

   Қол ұстасып кел, достар сырласайықшы.

                 Қайырмасы:

              Достарым, достарым,

              Әсем әнге бастадым.

              Көңіл қарлығаштарым ,

              Достарым менің.

              Арманым, арманым.

              Әсем жырды арнадым,

              Жарқын жүзді жандарым,

              Менің достарым.

2. Армандарға достарым шығайық бірге,

    Азаматқа ел қорғау ылайық біл де.

    Кең жазира мекенге еркелейікші,

    Көк шалғынға аунап терейік гүлдер.

                  Қайырмасы: