Мин үзем теләп укытучы һөнәрен сайладым. Менә 41 ел математика укытучысы булып эшлим. Үз һөнәремне яратмасам, мин болай озак эшләмәгән булыр идем. Дәрескә кергәндә укучыларымны сагынып, яратып, аларны ничек тә белдерергә тырышып керәм. Үзем ФГОС буенча укытырга әзерләнәм. Моның өчен дәресләргә презентацияләр төзим. Мәсәлән, "Камаулы һәм камаучы әйләнә", "Арифметик һәм геометрик прогрессияләр", "Векторлар", "Процентлар", "Пифагор теоремасы", "Зур саннар" һ.б темаларга презентацияләр төзедем. Интерактив тактада эшләүне укучылар бик ярата. Укучыларны олимпиадаларга әзерлим.