Сабақтың тақырыбы: Ілмек бізбен бұйымдар тоқу технологиясы                                                             Сабақтың мақсаты:

Білімділік мақсаты: Ілмек бізбен тоқудың шартты белгілерімен жұмыс жасау жолдарын үйретіп, өзіндік жұмыстар арқылы меңгеруіне көмектесу. Оқушыға өз бетімен жұмыс істеуге, эстетикалық талғамда орындауға үйрету

Дамытушылық мақсаты: әрбір оқушының үш деңгейлік тапсырмаларды біртіндеп орындауына жағдай жасау арқылы оның қабілетіне сәйкес жеке құзырлығын дамыту

Тәрбиелік мақсаты: өз бетімен жұмыс жасауға, оқушыны жауапкершілікке, оны сезіне білуге, алған өнерін нәтижеге жетуге ұмтылдыру, өзіндік шығармашылық ізденімпаздыққа, ерінбей еңбек етуге және ұлттық ерекшеліктердің құндылығын күнделікті өмірде қолдауға тапсырмалар беру арқылы тәрбиелеу.

Сабақтың мазмұны: І, ІІ, ІІІ кезеңдік тапсырмалар (Оқушының жұмыс дәптері)

Сабақтың әдісі: - тәсілі: І кезеңде сұрақ - жауап ІІ кезеңде

а) оқулықпен өз бетімен ізденіс. Ізденіс әдісі: дискуссия. ә) практика: бекіту әдісі ІІІ кезеңде үш деңгейлік тапсырмаларды өз бетімен орындауға үйрету, бағалау әдісі.

І кезең ұйымдастыру кезеңі

“Көпір” тапсырма

Жаңа тақырыпқа қажет болатын өткен материалдарды үйден орындап келу

Сұрақтарға жауап бер.

1. Қолөнер туралы не білесіңдер? Жауабы: Қолөнер ежелден келе жатқан кәсіп.

2. Қолөнердің тіршіліктегі пайдасы қандай? Жауабы: Қолөнердің ең көп қолданылатын орны үй интерьерінде, киім сәндеу кезінде, бас киім сәндеу кезінде көп қолданылып жүр.

3. Қолөнерде тоқудың ерекшелігі қандай?

Ұлттық ерекшеліктерге байланысты тоқу технология әдістерімен орындалады. (орамал, шалғы, ойыншық, шұлық, қалпақ, т. б. жіптің түрлерін қолдану арқылы жасалады)

4. Қандай қолөнер қайраткерлерін білесіңдер? Атын ата.

(Дәркембай Шоқпарұлы т. б. ұстаздар)

ІІ кезең жаңа тақырыпты өз бетіңмен меңгеріп көр

Теориясы.

1. Бос орынға қажетті сөздерді жазып сөйлемді толықтыр

Жауабы:

А) Қолөнер – өз халқыңның дәстүрлі көркемдік мұрасы.

Ә) Қолөнердің ерекшелігінің бірі – тоқу.

Б) Қолөнер дегеніміз – қазақ қолөнері, өз халқыңның дәстүрлі көркемдік мұрасы.

В) Қолөнердің орындау технологиясында түрлі жіптермен тоқу түрлерін орындау.

2. Саған мына тоқу түрлері таныс па? Тоқып көр

3. “Қарлы кесек” ойыны

Оқушылар кезектесіп қолөнер түрлерін айтады. Әр келесі оқушы алғашқы оқушыға айтқан ақпаратты қайталайды. Сосын өзі қайталайды. Соңғысы жинақтап барлық қолөнер ерекшеліктерін айтады

1. Егер қолөнер болмаса жер бетінде көркемдік мұрасы бола ма?

2. Қолөнерде тоқу өнері қашан тараған?

3. Тоқыма киімдер ең ірі көлемде қашан тараған?

Венн диаграммасы: Қолөнердегі ерекшелік

1.“Қолөнер жүйесі” туралы білгеніңді жинақта.

Орталығы – қолөнер.

Панно, жіптің, ілмек біздің суреті, сувенир ойыншық, әшекейлі тоқыма киімдер мен заттар.

Теориясын жинақтау (қорытынды)

Қорытынды шығар, анықтама бер, мазмұнды жүйеле, кесте, сызба, сөзжұмбақ, ребус, т. б. құрастыр.

2. Сөзжұмбақ ойлап тап.

«Жас қолөнер» сөздігінен тақырыпқа қатысты ұғындыру анықтамаларын тауып ал.

А) Қолөнердің атқару қызметі.

Ә) Тоқу өнеріндегі қолданылатын заттар.

Б) Жіптермен тоқу әдісі.