Дәреснең темасы: Лексикология һәм сөйләм культурасы бүлеген кабатлау һәм ныгыту. Тематик бүленештә бу дәреснең урыны: Лексикология һәм сөйләм культурасы бүлегенә 18 сәгать каралган. Узган дәрестә сүзлекләрдән файдалану күнегүләре буенча эш алып барылды. Бүгенге дәрес лексикология бүлеген кабатлауга һәм ныгытуга нигезләнгән." Дәреснең максаты: а)" белем бирү : Лексикология һәм сөйләм культурасы бүлеген кабатлау һәм ныгыту өстендә эш, антоним, омоним, синонимнарның сөйләмдәге әһәмиятен ачыклауга ярдәм итү. б) Фикер сәләтен үстерү : Укучыларның иҗади фикерләү сәләтләрен, бәйләнешле сөйләм күнекмәләрен булдыру, тел байлыгын арттыру. б) Тәрбия бирү : туган телгә, татар халык бәйрәмнәренә карата мәхәббәт хисе тәрбияләү. Дәрес төре" : кабатлау-йомгаклау. Белемнәрне ныгыту этабында: а) бирелгән сүзләргә төркемнәрдә синонимнар табу; ә) омонимнарны тану, җөмләдәге ролен билгеләү; б) дәреслектәге күнегү өстендә эшләү, Нәүрүз бәйрәмен искә төшерү; в) Сингапур структурасы (ТИК-ТЭК-ТОУ) буенча эш.(Карточкаларда бирелгән сүзләр белән җөмләләр төзү); г) бирелгән сүздән яңа сүзләр төзү 8. Дәрестә кулланылган ысул (метод) һәм алымнар: Кулланылган методлар: эзләнү (эвристик) ,әңгәмә, дәреслек белән эшләү. Дәрестә кулланылган алымнар: анализ, иҗади эш . Дәрестә укытуның традицион метод һәм алымнары белән беррәттән яңа педагогик технологияләр ( Сингапур методикасының" ФИНК-РАЙТ-РАУНД РОБИН , ТИК - ТЭК – ТОУ структуралары )кулланылды. 9. Дәрестә күрсәтмәлелек: компьютер, презентация , сүзлекләр дәрес максатын күздә тотып кулланылды.