Мемлекеттің әрбір азаматы-ұлттық құндылық, әрбір баласы еліміздің ертеңі екенін ескерсек, әрбір мүмкіндігі шектеулі оқушының сапалы білім алып, азамат болып қалыптасуына жағдай жасау міндетіміз. Мүмкіндігі шектеулі бір оқушының болса да білім сапасының жоғарылауы, ұлтымыздың саналы келешегіне қазіргі уақыттан бастап жинақталып жатқан қор деп түсінуіміз керек. Қазіргі уақытта елімізде мүмкіндігі шектеулі балалардың білім деңгейін көтеріп, өмірге қажетті білім дағдысын қалыптастыруға байланысты түрлі жұмыстар жүргізілуде. Даму мүмкіндігі шектеулі балалардың да қоғам өміріне өздерінің дәрежелерінің жеткенінше белсене араласуына ықпал ететін, өз қадір-қасиеттерін қамтамасыз ету жағдайы толымды өміргедені сау балалармен бірдей құқығы барын, Қазақстан Республикасының балалдың құқығы туралы Заңында айтылғаны белгілі. Үйде білім алатын мүгедек балалардың жеке мүмкіндіктері мен қажеттіліктері ескеріле отырып, компьютерлік техникамен қамтамасыз ету жинақтарымен қамтамасыз етіліп, білім беруді ұйымдастыру жолға қойылып келеді.