1941 жылы 22 маусымда фашистік Германия әскерлері кеңес жеріне баса – көктеп  кірді. Бір шеті Баренц, екінші шеті Қара теңізге тіреліп жатқан ұлан – ғайыр мекенде  майдан ашылып 1418 күн мен түнге созылған арпалыс басталды.

         Осы соғысты бастай отырып, фашистік Германия ұлы жоспар жасады. Яғни біртұтас ССРО- ны бөлшекке бөліп жіберуді ойлаған. Оған Қазақстан жері де енді.

Көрінген елге бас салған,

Гитлердің жынын басуға

Дабылымен тас жарған

Тарихи майдан ашуға

Аттандық  біз майданға!

Қанға құмар қарақшы

Өз қаныңды ішерсің

Еңсеңді басар ердің күші

Өз көріңе түсерсің,

Аттандық біз майданға!