1 нче класс укучылары еш кына хәрефләрне дөрес язмыйлар. Моның сәбәпләре күптөрле. Бәлки укучы пространствода дөрес ориентлаша алмыйдыр. Бу очракта ул хәрефләрне киресенчә, ягъни көзгедән күренгәнчә яза. Мондый очракта нишләргә соң? Мин үзем дидактик уеннардан, сызымнардан, графиклардан файдаланам. Шушындый бер дәрес үрнәге планы аша журнал укучылар белән уртаклашасы килә.   Тема: Хәрефләрне дөрес язу. Көзгедән күренгәнчә язуны кисәтү юллары. Максат: хәрефләрне дөрес язарга өйрәтү, көзгедән күренгәнчә язуны кисәтү ,укучыларда әкиятләр аша әдәплелек сыйфатлары тәрбияләү. Материал: геометрик фигуралар, рәсемнәр ( ат, шар, кубик, һ. б.), һәр укучыга карточка, шакмакларга бүленгән альбом бите, ручка, фломастер, әкиятләр китабы .