Оқушылардың даму мүмкiндiгi тек өзiндiк жұмыстың барысында ғана қалыптасады деген пікір көптеген белгiлi педагогтардың ойларынан шыққан. Г.Песталоцци, А.Дистервег мазмұндау әдiсiн дұрыс деп санамаған, олар бiлiмдiлiк пен белсендiлiк принциптерiн насихаттады. А.Дистервегтiң сөзiмен айтсақ, оқушылар дайын ақиқат ұғымды қабылдамай, сол ақиқат ұғымды өзi есептердi шығару барысында ашу керек деп жазған [3, 158б]. Есеп шығару барысында оқушылар тек математика курсын белсендi игеріп қана қоймай, олар шығармашылық ойлау икемдiлiгiн меңгереді. Саналы құрылған есептер арқылы оқушылардың есептердi шығарудың тәсiлдерiн білудегі, шешiмдерiн жалпылаудағы, теориялық заңдылықтарды ашудағы ойлау іс-әрекетiн бiр жүйеге келтіреді