Укучыларның ни дәрәҗәдә белемле булуларын, иҗади фикер йөртә алуларын ачыклау максатыннан, төрле фәннәрдән ел саен олимпиадалар уздырыла. Балада көтелгән нәтиҗәгә ирешүгә шәхси кызыксыну булганда гына, аның эшкә дәртен, мөстәкыйльлеген үстерергә мөмкин.Олимпиадаларны башлангыч сыйныфтан ук уздыру бик отышлы. Барлык укучылар  да фәннәрне бертигез дәрәҗәдә үзләштерә алмый. Шуңа күрә үз көчләрен сынап карарга мөмкинлек бар. Укучылар белән төрле иҗади эшләр, викториналар, блиц турнир, брейн ринг  үткәреп, җиңүчеләр билгеләнә. Сәләтле балалар район күләмендә уздырыла торган олимпиадаларда катнашалар. Мондый эшләр оештыру фәннәр буенча диагностик тест эшләү өчен зур ярдәм булып тора.