"Описание материала:

"Мектеп пен отбасының өзара әрекетін ұйымдастыру жолдары

Қай елде, қай кезде болмасын,бала тәрбиесін ерекше дамытушы да,ілгері апарушы да–балалар, яғни бүгінгі ұрпақ–ертеңгі елдің болашағы.

"Назарларыңызға ұсынып тұрған тақырыбым: «Мектеп пен отбасының өзара әрекетін ұйымдастыру жолдары».

"Білім мен тәрбие –егіз ұғым. Осы екі ұғым ажырамай қарастырылғанда ғана толық мақсатын аша алады. Осы орайда,баланы жаңа өсіп келе жатқан жас шыбыққа теңеп, оның өсуі үшін, не қажет екенін түсіндіру үшін білім мен тәрбиенің берілуін табиғаттағы жылудың айналым процесімен көрсетуге болады.

"Осы жас шыбық жайқалып өсуі үшін,әрине, оған күн, күн сәулесінің жылуы, су, ауа қажет.

"Ата-ана әрқашан балаға үлгі болады. Сондықтан бала тәрбиесіне мектеп тарапынан ықпал ету үшін ата-анамен тығыз байланыста болу маңызды. Ал,мектеп-өскелең ұрпақты тәрбиелеу жүйесіндегі шешуші буын.Оның жас ұрпақты тәрбиелеудегі ролі өте зор. Еліміздің бүкіл жастары мектеп арқылы өмірге жолдама алады. Мектеп еш уақытта отбасынан, қоғамнан бөлініп, өз бетінше жеке автономиялық мекеме болған емес,сондықтан оның іс-әрекеті отбасымен,жұртшылықпен, еңбек ұжымдарымен тығыз байланысты. Міне, мектептің үлкен тәрбиелік функциясы осында.

"Мұғалім-барлық білім беру жүйесінің негізі,жаны және жүрегі. Мұғалімнің негізгі басты мақсаты-рухани бай, ізденімпаз, адамгершілігі мол адамды қалыптастыру болып табылады.

"Өз жүйемде мұғалімді үлкен табиғат процесіне теңеймін. Ал, ол процесс,әрине, Күннің көмегімен жүзеге асады.

"Мектеп пен отбасының өзара әрекетін ұйымдастырдың негізгі жолдарына тоқтала кетсем,өз тәжірибемде Сухомлинскийдің: «Тек ата-аналармен бірге жалпы күш-жігерді біріктіру арқасында мұғалімдер балаларға үлкен адамдық бақытты беруі мүмкін» деген сөзін басты назарда ұстап,ата-анамен үнемі байланыс жасап отырамын. Осы орайда ата-аналарды балалармен бірге әрекетке қатыстырып отырамын. Мәселен, сыныпта өткізілетін ата-аналар жиналысы сынып жетекші мен отбасы арасындағы,сонымен бірге мектеп пен отбасы арасындағы қарым-қатынасты нығайтудың басты жолы деп ойлаймын. Соның нәтижесінде оқушылар туралы мол ақпарат аламын.

"Сынып жиналыстарында оқушылардың ынтасы, қызығушылығы, тәртібі т.с.с.талқыланады. Сонымен қатар, сыныпта ата-аналардың қатысуымен өткізілген шаралардың барлығында мектеп пен ата-аналар арасындағы ынтымақтастықты нығайту жолында еңбектеніп келемін. Ата-анамен жұмыс істеудегі негізгі жолдардың біріне оқушының жанұясына баруды да жатқызуға болады. Мектептен тыс ата-анамен үй жағдайында кездеу сынып жетекшінің баланың тұрмыс жағдайымен терең танысуына мол мүмкіндік береді. Сонымен қатар, тек ата-аналармен кездесіп қоймай, мектептің психологтарымен бірлесе отырып, ата-аналарға арналған анкеталық сұрақтарға жауаптар аламын. Мектептің әлеуметтік педагогымен бірлесе жұмыс істеу нәтижесінде сыныбымда аз қамтылған отбасының баласын анықтап, ол оқушыға мектеп тарапынан көмек көрсетіледі.Ата-аналар үштігімен бірлесе отырып, сыныпта өткізілетін шарларға қатысатын оқушыларға қаржылық жағынан да көмек көрсетіліп тұрады.Осындай ата-аналармен болатын іс-шаралардың барлығы мектеп пен отбасы арасындағы ынтымақтастық үшін жасалатын қадамдар екені даусыз.