Мектептегі І Озат оқушылар форумы

М.Дулатов атындағы №136 жалпы білім беретін мектептің мерекелік безендірілген мәжіліс залында (24.05.10ж. күні) мұғалімдер мен ата-аналардың қатысуымен бастауыш сыныптар арасында І Озат оқушылар форумы өтті. Форумға озат оқушылармен қатар , өнер мен спортта, мектепішілік пәндер бойынша ғылыми жобада, аудандық, қалалық, республикалық байқаулар мен жарыстардың жүлдегерлері мен жеңімпаздары қатысты. І Озат оқушылар форумын мектеп директоры Е.Н.Қуатбеков құттықтау сөзбен ашты. Озат оқушылар, спорт, өнер, оқу саласы бойынша белсенділік көрсетіп, жетістіктерге жеткен оқушылар мақтау қағазымен марапатталды. Сыныптардың жетістіктерін ескере отырып әр сыныпқа арнайы номинациялар тағайындалып, дипломдармен марапатталды. 2009-2010 оқу жылын жан-жақты жетістіктермен аяқтаған 3а сыныбы “Жыл сыныбы - 2010” атағын жеңіп алды. Форумға қатысушы оқушылар өз тілектерін білдіріп көгершіндер мен шарларын ұшырды. Форумның соңында ата-аналар мен мұғалімдер жылы лебіздер мен тіліктерін білдірді.

М.Дулатов атындағы №136 жалпы білім беретін мектептің директордың оқу жұмысы жөніндегі орынбасары Райымқұлова А.Қ.