Білім күніне арналған сабақтың жоспары Тақырыбы: Менің Қазақстаным – менің болашағым. Сабақтың мақсаты: 1) Оқушының елін сүюге , өз елін мақтаныш етуге үйрету, Қазақстанның жарқын болашағы барын ұғындыру, ұлттық намысқа, достықты нығайтуға тәрбиелеу. 2) Балалардың бүгіннен бастап оқушы екендіктерін ұғындыру , мектепке деген қызығушылықтарын арттыру , оқуға ынталандыру. Көрнекі құралдар: қоңыраудың суреті , еліміздің рәміздерінің плакаты, суреттер, буклет, білім туралы нақыл сөздер. Сабақтың барысы: 1. Ұйымдастыру кезеңі. а) Оқушыларды алғаш рет мектеп табалдырығын атауларымен құттықтап , жақсы оқуларына тілек білдіру. б) ата –аналарды балаларының мектеп табалдырығын аттауларымен құттықтау. 2 Кіріспе. (Оқушыларға сұрақтар қойып, жауап алу) -Сен қай елде тұрасың? -Сенің ұлтың кім? -Еліміздің президенті кім? -Әнұранды білесіңдер ме? -Еліміздің туы қандай? -Сен қай тілде оқитын боласың? -Саған мектеп ұнай ма? -Мектепке не үшін келеміз? 2 «Мектеп –анаң бүгіннен, Мектеп-алтын босағаң Мектеп берген біліммен, Марқаясың, жас ұлан!» -демекші, мектепке дайын болсаңдар, сендердің дайындықтарынды көрейін, жұмбақтар шешіп көрейік. а) Өзі сөйлей білмейді, Жүрген ізі сөйлейді. (қалам) б) Ортасында шегесі, Жіп-жіңішке денесі (қарындаш) в) Бірге бастап жол басын Бірге оқуға барасың. Жүреді оның ішінде Кітап, қалам, дәптерің. (портфель) г) Ол-сыныптың анасы Өзінің де, өзгенің баласы- оның баласы Ол кім? (Мұғалім) 3)Халқымыздың анасы, Атасы- ол, данасы, көз жетпеске көсілген Қазақстан жері туралы әңгімелеу, Қазақстанның болашағы туралы әңгімелеу. Еліміздің туы, елтаңбасы, әнұраны туралы әңгімелеп, түсіндіріп, плакаттан көрсету. Біз қазақ екенімізге, Қазақстан да туып, тұрып жатқанымызға мақтан етеміз, қазақ тілінде білім алып, қазақша сөйлеуіміз керек екенін естен шығармай, қазақ тілін құрметтеуіміз керек екенің әңгімелеу. (Үзінді оқу ) Қазақша оқыт балаңды! (Әбілғазы Қайырбеков) Қаншама шарла ғаламды, Қаншама шарла далаңды, Қандастар, қапы қалмаңдар, Қазақша оқыт балаңды! Еліңнің ойла ертеңін, Қазақша оқыт балаңды! Әлемге атың таралды, Әуелгі даңқын оралды Қосады қуат Әнұран, Қазақша оқыт балаңды! 4) «Қайырлы болсын , қарағым, Білімге қадам басқаның Сөмке артып арқаңа, Білім жолын ашқаның» -деп құттықтай келе, балалар нағыз бақытты оқушылар екенін, таза, әдемі мектептің оқушысы екенін , Қазақстанның өркендеуіне, гүлденуіне үлес қосу үшін білім ашу керектігін айтып, қорытындылау.