Қазір Республика көлемінде  2012 жылдың желтоқсан айында  «Мен және менің полициям» тақырыбында акция жүргізіп жатыр.  Біздің облысымызда бұл екі күндік акция желтоқсан айының 10-11 күні өткізіледі. Бұл акцияның негізгі мақсаты – ол балаларды,  балалар арқылы үлкендерді полиция қызметімен таныстыру. Сондай – ақ оларды қоғамдық ортада және жол бойында  өз –өздерін ұстай білуге тәрбиелеу. Бұл екі күндік акция қызығушылық туғызған барлық сала қызметкерлерінің мән бере ат салысуымен  өткізіледі. Полиция қызметкерінің алдында тұрған негізгі міндеттерімен таныстырылып өтеді. Сондай – ақ кәмілетке толмаған жас жеткіншектердің құқықтары жөнінде де таныстырылып, олардың сұрақтарына жауап, көмек береді. Бұл акцияның маңызы өте зор. Өйткені кез – келген қылмыстың кінәлісін іздегеннен оның алдын алған өте тиімді.  Сондықтан да жас өспірімдер үнемі қадағалауда болуы керек. Республика аумағында ұйымдастырылған бұл акцияның мектеп оқушыларына берері мол.