Методическая разработка

«Кыче мынам сюлэм висе»

(С.Широбоковлэн «Курыт полынь» кылбурезъя урок).

Валтись ужпум: Традиционной нотуала амалъёсыз кутыса, кылбурлы анализ лэсьтон.

Пуктэм ужпумъёс:

1. С.Широбоковлэн творчествоеныз тодматонэз азьланьтон.

2. «Курыт полынь» кылбурез эскерон.

3.Адямилэсь лулпуш дуннезэ щодыны тыршон.

4.Улонысь зечсэ но уродзэ висъяны дышетон.

Уроклэн мынэмез:

Дышетись:

Туннэ асьмеос тодматскомы С.Широбоковлэн «Курыт полынь» кылбуреныз. Сое серттомы-пертчомы, лирической геройлэн улон сюрестиз ортчомы. Та кылбур гожтэмын 1977арын. Со пыриз «Кемалась малпанъёс» бичетэ,6 ар кылемын на вал писательлэн улон сюресаз. Кылбурез лыдзон азьын мон котькуддылы сётисько кагаз. Мае меда вераны турттиз автор кылбур чуръёс пыр лыдзисезлы? Кагаз вылэ ти та кылбуръя суред лэсьтэ.

Мар ватонэз, мылкыд уг шуды,

Сое зибо кадь узвесен.

Нокин но со сярысь уг тоды,

Кыче мынам сэлэм висе….

Сюрес ноку огкадь уг луы

Кыти шакрес, кыти вольыт.

Инбам но чем вошъяськылэ ук-

Луэ чагыр, луэ пеймыт.

Кыче гинэ дыръёс ой вал ни,

Тон кышкаса синдэ од кынь.

Ведь уно пол тон юылид ни

Куалекъятэк курыт полынь!

Тон вамышъя пеймыт уин но

Дугдылытэк пырак шонер.

Кин кышкатэк мынэ, уг чигна…

Уз дугдыт нокыче кенер!

Нылпиослэн суредъёсынызы ужан.

Дышетись: