Мектепке дейінгі оқу тәрбие жүйесін жетілдіру мақсатында баланың өмірде интелектуалды, танымдық қабілеті дамыған тұлға болуы үшін М.Монтессоридің ерте даму әдістемесінің маңыздылығы өте жоғары. Қазіргі кезеңде баланың ерте дамуы өте танымал болуда. Мария Монтессори, -дәстүрлі оқыту бала дамуын бәсеңдетеді деген ой қорытындылап, бала дамуын жеделтету керек деген мақсат қойды. Таңқаларлығы бала табиғатын бақылый отырып, оның дамуына бөгет болмай, ересектер бала дамуын жолға қоюға бағыт беру керек,-деп есептеді. Итальян психологі М.Монтесори түсіндіруінше баланың туғаннан азамат болғанға дейін барлық өмірі - оның еркіндігі мен дербестігінің дамуы болып табылады.

Бұл технологияның ерекшелігі оқытудың бірыңғай бағдарламасы болмайды, әркім табиғат берген даму жолымен жүреді. Балабақшада сабақ болмайды әр күн жалпы жиыннан басталады және жиыннан кейін әркім өз еркімен қалаған жұмысымен айналысады. Әр баланың іс-әрекеті өз еңбегіне қарай үлкендермен бағаланады. Мұндағы басты мәселе, бала өз-өзін бағалайды.

Балалар, әртүрлі жастағы топ болып жұмыстанады, мысалы 2 жастағы баланың қасында 4 жасар бала жұмыстанады, олар бір-біріне кедергі келтірмейді, керісінше бір-біріне көмектеседі. М. Монтесоридің әдістемесінің негізгі бағыты- бала әрекетіне еркіндік беру, таңдауына, қызығушылығына және пікіріне құрметпен қарау, баланың өзіндігінен дамуын бақылау. Ал әдістеменің басты қағидаттары

• Өзін-өзі тәрбиелеу
• Өзін-өзі оқыту

Өзін-өзі дамыту

Тәрбиеші-мұғалім емес жетекші, мәжбүрлемеу керек, баланың әрбір әрекетін тіркеп , жалқауланбай, баланың мүмкіндігін ашуға көмектесу қажет.

Әдістеменің ұраны: «Мұны өзім жасауға көмектес!» Демек, Монтессори әдістемесін балабақшада пайдаланудың тиімділігі – бала өзінің даму ортасында еркін, өз пікірін алға тарта отырып жұмыс жасайды. Бала өзін қоршаған ортасынан және әлеуметтік ортасынан ерекше әсер алады. Ересектер ортада баланың дамуы үшін өзіне қажеттінің және пайдалының бәрін таба алатын, әр түрлі және бай сенсорлық (сезімдік) әсерлер а латын, дұрыс сөздерді, позитивті әлеуметтік жүріс-тұрысын, заттармен рационалды ортада жұмыс жасайды. Яғни, үлкендердің міндеті балаға

v Затты зерттеуге мүмкіндік беру үшін заттық дамыту ортасын жасау

v Балаға өздігінен әрекет жасауға бөгет жасамай, қажет кезінде ғана көмектесу

v Баланың білімге деген құштарлығын қолдау

Баланы дамыту мен тәрбиелеуді Монтессори әдістемесі оның қабылдауы мен сезімталтық кезеңдеріне бағыттады. Баланың сезімталды қезеңдерін жас ерекшелік шақтарына бөлді:

0-6 жасқа дейін бала тілінің дамуы

0-5,5 жасқа дейін сенсорлық дамуы

2,5 жастан 6 жасқа дейін әлеуметтік дағдысы көрініп және қалыптасады, бала өміріндегі қағида болатын, жан-жағындағы сыпайы және дөрекі мінез-құлықтарды жылдам қабылдайды

0-3 жас аралығы – үлкендермен белсенді қатынас және тәртіпті қабылдау кезеңі

0-1,5 жас аралығында ұсақ заттарды қабылдау кезеңі

Ал 4 жасқа жақындағанда тіл білімі мен қарапайым математикаға қызығушылықтары артады, алайда тіл дамыту мен фонетикалық ойындармен 2,5-3 жаста айналысады.

М.Монтессоридің ерте даму әдістемесі ҚР жалпыға міндетті білім беру стандарты мен үндеседі. Мемлекеттік жалпыға міндетті білім беру стандартының мақсаты – «негізгі құзыреттілікке, жалпы адамзаттық және ұлттық құндылықтар негізінде тұлғалық мәдениетке ие бала тұлғасын дамыту» және шетелдік ғылымның инновациялық технологияларын пайдалану ұсынылады.