Өмірде әртүрлі маман даярлайтын оқу орындары болады: біреу дәрігер даярлауда, ал біреу құрылысшы енді бірі техника маманын тәрбиелеп жатыр. Сол сияқты, әйел-ана - ұлы мектеп. Себебі, ол өмірге ең қажетті маман - Адам тәрбиелеп шығарады. Сондықтан бала тәрбиесінде ананың алатын орны ерекше.Отбасы – қоғамның алғашқы ұясы, бала сол ұяда дүниеге келеді. Бұл бала үшін алғашқы өмір мектебі. Ата – ана баланың бірінші ұстазы және тәрбиешісі. Жаңа  туған  нәрестеге отбасының ықпалы,  күші орасан зор. Ата – ананың балаға әсері, олардың перзентіне деген қалтқысыз сүйіспеншілігі, талапкершілікпен ұштасқан қамқорлығы болып табылады.