«Қайнар бұлақ» Бағдарламасы тәрбиенің кешенді бағдарламасына сәйкес құрастырылған және 1 – 4 сынып оқушыларына арналған. Бағдарлама мектептегі тәрбиені дамытудың мазмұны мен негізгі жолдарын анықтайды, отбасылық – қоғамдық тәрбиеге және балалардың бойында рухани – адамгершілік қасиеттерін дарытуға бағытталған.

Бағдарлама педагогикалық – отбасылық тәрбие ықпалының мазмұнын,

түрлерін, әдістері мен тәсілдерін қамтиды.

Бағдарлама білім беру мен тәрбие ортасының бірлігі,  дамыта отырып тәрбиелеу, тұлға мен ұжымның өзара әрекетінің, әлеуметтік белсенділік пен даралану қағидаларына сүйенеді.

Отбасылық – қоғамдық тәрбие беру Бағдарламасы бір қатар тәрбиелік және әлеуметтік мәселелерді шешуде үлкен рөл атқарады.