Ұйымдастырылған оқу іс-әрекетінің мотивациялық-қозғаушы бөлімінде балалардың назарын аудару мақсатында , шеңберде табиғат туралы өлең шумақтарын бәрі бірге айтты.    Ұйымдастырылған оқу іс-әрекеттің тақырыбын ашу мақсатында жануарлар суретінің ішінен жабайы жануарларды табу керек. Жабайы жануарлар орманда және адамдарға көрсету үшін хайуанаттар бағында өмір сүретіні түсіндіріледі. «Хайуанат», «хайуанаттар бағы» сөздерінің мағынасы түсіндіріледі.        Ең алғашқы хайуанаттар бағы және Қазақстандағы хайуанаттар бағымен таныстырдым. Ондағы ережелерді түсіндірдім.     Келесі ұйымдастырылған оқу іс-әрекетінің  мәтінмен жұмыс бөлімінде хайуанаттар бағы және ондағы жануарлардың түрлері туралы қосымша мағлұмат беру мақсатында «Хайуанаттар паркінде»  мәтіні оқылды.