Өзіңнің сыртқы тұлғаңа үнемі қарап жүру өте маңызды. Тәрбиешінің әдемі болып жүруі, талғаммен киінуі, ұқыптылығы, қарапайымдылығын көру ата-аналар мен балаларға, айналадағы адамдарға ұнайды. Балалар сізге қызыға қарайды, сіздің сыртқы тұлғаңыз оларды қуанышқа бөлейді. Балалар бәрін аңғарады: әдемі түйреуіш, қалтадағы орамал, ашық түсті белбеуді, сонымен қатар тапталған аяқ киімді, таралмаған шашты да. Ал балалар байқамағанды, әрине үлкендер байқауы мүмкін. Балалар тәрбиешіні жақсы көріп және мақтаныш тұтуы қажет, ал сіз олардың мақтанышына тұрарлықтай болуыңыз керек. Осыған жетудің бірінші қадамы – ол сіздің сыртқы тұлғаңыз.