Аннотация.       Дәрес   планы 2 нче сыйныфның рус төркемендә  уку дәресе  өчен тәкъдим  ителә.”Без бәйрәмгә барабыз” бүлегендә  икенче  дәрес.Төп  максат булып  узган  дәрестә  өйрәнгән  сүзләрне  ныгыту  һәм сүзлек  байлыгын  яңа  сүзләр  хисабына  арттыру тора.  Өйрәнелгән  бәйрәмнәр  календарь битләре  рәвешендә  урнаштырылган. Укучыларның яшь үзенчәлекләрен  истә  тотып, ачык  төсләрдәге  рәсемнәр  кулланыла. Шул  битләрне  ачып,  укучылар, сүзләрнең  язылышын  һәм  тәрҗемәсен   кабатлап  баралар. Һәр  бәйрәм   төрле  биремнәр  белән  бәйләп  барыла ( сәнгатьле  уку,тәрҗемә  эше,сорауларга  җавап  бирү ...)Таратма  материал буларак  биремле  карточкалар  файдаланыла.         Яңа  материал  аңлату, күрсәтмәлелек, диологик  сөйләм  формаларында  бирелә. Сүзлеккә  сүзләр  языла. Дәреслек буенча  биремнәр эшләү  каралган.                 Өй  эшендә  сайлау  мөмкинлеге бар: катлаулырак һәм  җиңелрәк  бирем  тәкъдим  ителә. Рус  төркемнәре  буларак  , укучыларга  төрле  милләт  кешеләренең  дус  яшәве  турындагы  фикерне   аңлату  мөһим.     Дәреснең  тибы: катнаш  дәрес.      Дәреснең максатлары: . бәйрәмнәрне  өйрәнүне дәвам итү; . сабантуй бәйрәме  һәм  андагы  ярышлар  турында  мәгълүмат  бирү; .милли бәйрәмебез белән  кызыксыну  уяту; . сорау  формаларын  кабатлау; . җөмләдә  сүз  тәртибен ныгыту;        Дәреснең этаплары: I.                   Оештыру өлеше. Исәнләшү, психологик уңай халәт тудыру.  Белемнәрне актуальләштерү. II.                Яңа материалны үзләштерү. Белем һәм күнекмәләрне формалаштыру. III.             Ныгыту. IV.           Йомгаклау. Нәтиҗәләр чыгару. V.              Вариантлап өй эше бирү.                    Укыту методы: укытучы белән укучыларның уку-укыту процессында бергә эшләүләре: -         укытучы сөйләве: -         укытучының балалар белән әңгәмәсе; -         укучыларның мөстәкыйль  эшләве; -         тәрҗемә  эше; Белем һәм күнекмә алу чыганагы буенча сөйләмле(бәян итү , аңлату,  әңгәмә),күрсәтмәле (күзәтү, демонстрацияләү) һәм практик (телдән һәм  язып эшләнгән күнегүләр).         Укыту чаралары: слайдлар белән эш , күрсәтмә-үрнәк уку, тактага язу.      Дәреснең тышкы кыяфәте: кабинет матур итеп бизәлгән. Бәйрәм күренешләре , бәйрәм открыткалары , иллюстрацияләр , слайдлар күрсәтү өчен экран.