Телне аралашу аша өйрәнү принцибы нигезендә укыту методик комплекты ( УМК ) өчен материал беренче сыйныф балаларының аралашу сфераларын исәпкә алып төзелде. Дәреслеккә түбәндәге аралашу темалары кертелде: "Савыт-саба", " Киемнәр" , "Яз җитә", "Ашамлыклар" , " Татар халык ашлары". Дәреслеккә кызыклы сораулар, чагыштыруны, анализлауны, логик фикерләүне тәләп иткән төрле биремнәр кертелде. Шушы темалар буенча сөйләшү өчен 1-2 сыйныфларда 400-420 сүз бирелгән. Шушы темаларны актив фикерләп өйрәнергә презентацияләр ярдәм итәләр. Презентацияләр яңа лексик, грамматик материал белән таныштырганда да, камилләштерү, мөстәкыль сөйләм үстерү этабында кулланыла ала.