Әлеге презентацияне 1 класста Гарифуллина Ф. Ш., Мияссарова И. Х. "Әлифба" дәреслеген укып бетергәннән соң, "Әлифба бәйрәме" үткәрү өчен татар теле укытучыларына тәкъдим итәм. Укучылар "Шигърият"," Табышмаклар" ,"Тапкырлар ", "Сүзләр ", Әкиятләр" һәм " Җырлыйк әле" иленә сәяхәткә чыгалар. Үзләренең алган белемнәрен, тапкырлыкларын әти-әниләргә, кунакларга күрсәтәләр. "Табышмаклар иле"ндә табышмакларга җаваплар шунда ук рәсемнәр аша күрсәтелә бара. "Сүзләр иле"ндә укучылар яңа сүзләр уйлап әйтәләр. Ә инде "Җырлыйк әле" һәм " Әкиятләр иле"ндә җыр, моңга осталыкларын, яраткан әкиятләрен сәхнәләштереп, тамашачы хозурына тәкъдим итүгә ирешәләр. Әлифба чорында алган белемнәр, киләчәктә укучыларга белемнәрен тирәнәйтергә ярдәм итәр.