Бу презентациядә укучыларга әхлакый тәрбия бирүнең төп максаты —әдәплелек, тыйнаклык, намуслылык, башкаларга хөрмәт белән карау кебек сыйфатлар тәрбияләү. Милли культура формалаштыруда иң мөһиме – халык традицияләренә, гореф-гадәтләренә нигезләнеп, әхлаклылык сыйфатлары тәрбияләү. Аның бурычлары: халкыбызның милли үзенчәлекләрен, күркәм сыйфатларын, йола-гадәтләрен, гаилә этикасын кече яшьтән үк төшендереп, укучыларны өлкәннәр үрнәгендә тәрбияләү, буыннар бәйләнешен тәэмин итү; әхлакый сыйфатлар тәрбияләү, балаларны кешеләр белән аралашу кагыйдәләренә өйрәтү, югары әдәп, әхлак сыйфатлары булдыру; иҗади сәләт һәм милли үзаң формалаштыру; туган телебез, мәдәниятебез үсеше өчен җаваплылык хисе булдыру; йолалар нигезендә сәламәт яшәү рәвешен пропагандалау.