Укыту-тәрбия өлкәсендәге һәрбер яңалык белән кызыксынып барам , аларны үз тәҗрибәмдә кулланырга , укучыларымда күзәтүчәнлек, белем алуга омтылыш, кешелеклелек сыйфатлары тәрбияләргә тырышам.Әлеге сыйфатларны үстерү өчен бәйрәмнәр, иҗади кичәләр үткәрәм. Шулардан "Әлифба бәйрәмен тәкъдим итәм. Әлифба бәйрәме- кечкенәләрнең яртыеллык эшенә йомгак ясау тантанасы ул. Хәзер инде аларның барысы да укырга һәм язарга өйрәнделәр. Әлифба бәйрәме әти-әниләр өчен дә зур тантана ул. Балаларының ирешкән уңышларында аларның да өлеше зур. Бәйрәм котлы булсын! Безнең укучыларыбыз 1 сентябрь көнне Әлифба иле буйлап сәяхәткә чыгып киткәннәр иде.