Безнең ата-бабаларыбыз әхлакый сыйфатларны тәрбияләү буенча гасырлар дәвамында бай тәҗрибә туплаганнар. Безнең  бу мирасыбызны халкыбызга кайтару-төп бурычларыбызның берсе. Бабаларыбызның  әхлак кагыйдәләреннән, бай тәҗрибәсеннән олуг гыйбрәтләр аласы бар. Чөнки  аларда безнең өчен тирән мәгънәле киңәш- үгетләр, нәсихәтләр, асыл үрнәкләр тулып ята. 

Һәр ата-ана баласының яхшы булуын теләсә дә, кайчакта әлеге ата-ана хыялына туры килмәгән гадәтләрен күреп йөрәгебез әрни: кеше хезмәте белән исәпләшмиләр, аны хөрмәтләмиләр.

Нәтиҗә ясап шуны әйтәсе килә: мәктәп һәм гаилә бердәм тәрбия чараларын кулланып эшләгәндә генә, балаларны белемле, рухи яктан бай итеп тәрбияләү зур уңышларга китерер.