Ұйымдастырылған оқу іс-әрекетінің технологиялық картасы.

Уақыты: 04. 06. 2015 жыл

Тобы: «Балдырған » тобы

Әдіскер: А.Д.Кабирова I санатты

Білім беру саласы:Қатынас

Ұйымдастырылған оқу іс-әрекетінің түрі:Тіл дамыту

Тақырыбы: Рәміздер мақтанышым.

Мақсаты:

Білімділік: Балалардың Қазақстан Республикасының мемлекеттік рәміздері туралы түсінік беру

Рәміздердің мән-мағынасын түсіндіре отырып, құрметтей білуге үйрету

Дамытушылық:Тақпақ-өлеңдер арқылы балалардың сөздік қорын молайту, тілдерін дамыту.

Тәрбиелік:Өз елінің патриоты болуға отансүйгіштікке, рәміздерді қастерлей білуге тәрбиелеу.

Алдын-ала жүргізілетін жұмыстар:Өлең оқылды

Әдіс-тәсілдері:Көрсету,түсіндіру,сұрақ-жауап

Қажетті көрнекі құралдар: Қазақстан Республикасы Мемлекеттік рәміздері

Қостілділік компанент: Ту-Флаг, Елтаңба-Греб,Әнұран-Гимн

Іс-әрекет кезеңдері

Тәрбиешінің іс-әрекеті

Балалардың іс-әрекеті

Себепті қызығушылығын ояту кезеңі

Шаттық шеңбері

Көк аспанда күн күлсін,

Бірге күлсін бүлдіршін.

Ұл қолында ту жүрсін,

Қыз қолында гүл жүрсін.

Бірге күлсін бүлдіршін

-Балалар,бүгінгі оқу іс-әрекетімізде Е.

Өтетілеуовтың «Отан» өлеңімен бастаймыз.

-Қане кім айтады,Отан дегеніміз не?

Отан дегеніміз адамның туып өскен жері, халқы.

Ұйымдастырушылық ізденіс кезеңі

Сұрақ-жауап.

-Біз қай елде тұрамыз?

-Қазақстан Елордасы қай қала?

-Елбасымыз кім?

-Қазақстан Республикасының рәміздерін кім атап береді?

-Қазақстан 1991 жылы өз тәуелсіздігін алып,егемен ел болды.

Мемлекеттік рәміздер туралы әңгімелесу.

-Біздің еліміздің туының түсі қандай?

Дұрыс...

Тудың ортасында орналасқан алтын күн бейбітшілікті, ал аспанда қалықтаған қыран құс өрлікті бейнелейді.

Қазақстан Республикасының Мемлекеттік Туы қазақ халқының ою-өрнектерімен көмкерілген.

-Балалар кім мемлекеттік туымыз туралы тақпақ біледі?

-Қазақстан Республикасының Мемлекеттік Елтаңбасында не бейнеленген?

-Сендер қалай ойлайсыңдар, Елтаңбаны қайдан көруге болады?

-Балалар, кім мемлекеттік Елтаңбамыз туралы тақпақ біледі?

-Әр мемлекеттің өз әнұраны болады.Оны салтанатты жағдайларда орындайды.Әнұранды орындаған кезде міндетті түрде орнымыздан тұрып, оң қолымызды жүректің тұсына қоямыз.

Жарайсыңдар, балалар!

Енді орнымыздан тұрып бойымызды сергітіп алайық

Жоғары қарап күн көрдім,

Төмен қарап жер көрдім.

Оңға,солға бұрылып,

Егеменді ел көрдім.

-Қазақстан Республикасында тұрамыз.

-Елордамыз-Астана

-Нұрсұлтан Әбішұлы Назарбаев

-Елтаңба,Ту,Әнұран

-Туымыз ашық көгілдір түсті.

Алина.

Айнымайды аспаннан,

Біздің тудың бояуы.

Оны халық қашанда,

Биікке іліп қояды.

-Қазақстан Республикасының Елтаңбасында көгілдір түстің Аясында шаңырақ бейнеленген. Шаңырақта жан-жаққа таралған сәулелер тәрізді шеңбер бойымен уықтар орналасқан.

-Қазақстан Республикасының Шекарасында, маңызды құжаттарда,теңгемізде бейнеленген.

Ернар.

Тәуелсіздік жолында,

Талай-талай тер тамған.

Биігім өз қолымда,

Еркіндігім-Елтаңбам.

Балалар сергіту жаттығуын бірге орындайды.

Іс-әрекеттің бағалау кезеңі

-Еліміздің рәміздерін қадірлеп, бағалап,биікке көтеріп жүруіміз керек.

Солар арқылы біз өзіміздің Қазақстан Республикасын таныта аламыз.

Қорытындылау.

Балаларды мадақтау.

Осымен ұйымдастырылған оқу іс-әрекеті аяқталды.

Балалардың жауабы.

Күтілетін нәтежесі:

Нені біледі:Қазақстан Республикасының рәміздері Ту,Елтаңба, Әнұран туралы.

Қандай түсініктерді игерді: Біздің Отанымыз Қазақстан Республикасы екенін.

Меңгерген дағдылар мен іскерліктері: Тақпақтарды мәнерлеп айта алады.