Сабақтың тақырыбы: Рәміздер – Тәуелсіздік белгісі

Сабақтың мақсаты:

• Ø Тәуелсіз елін шексіз сүюге баулу;
• Ø Ынтымақ, бірлігі жараса шалқыған елдің, көптеген ұлт өкілдеріне алтын бесік болған мемлекетінің ұланы екендігін мақтанышпен сезіне білуге тәрбиелеу;
• Ø Тәуелсіздікті аңсаған ата – баба аманатына адал болуға, ерлігінен үлгі алуға, бабалар рухын асқақтата дәріптей білуге үйретіп, ұлтжандылық, отаншылдық сезімдерін оятып, ұлтының салт – дәстүрін, діні мен тілін сүйе білуге, рәміздерді құрметтеуге баулу.

Көрнекілігі: Н.Назарбаевтың портреті, еліміздің рәміздерінің суреттері.

Сабақтың барысы:

Топқа бөлу

І топ- «Елтаңба»

ІІ топ- «Ту»

ІІІ топ- «Әнұран»

Мұғалім:

Қандай бақыт, қуанышты күн бүгін,

Дәлелдеуде Қазақстан елдігін.

Арман еткен, қыршын кеткен ағалар,

Елің алды егеменді теңдігін – деп бүгінгі тәуелсіздік күніне арналған тәрбие сағатымыздың тақырыбы «Рәміздер – Тәуелсіздік белгісі».

Ойын: «Шаңырақ»

Мақсаты: Шаңырақ құрып, уық арқылы оқушылар Отанға деген өз тілектерін білдіреді.

• 1.Отанымыздың шаңырағы биік болсын;
• 2.Қазақстан көгінде бейбітшілік жалауы желбіресін;

І-топ.«Елтаңба елі»

• 1.1991жылы 2-қазанда – Қазақ халқының тұңғыш ғарышкері Тоқтар Әубәкіров ғарышқа самғады
• 2.1991 жылы 1 – желтоқсанда – қазақ халқының тұңғыш Президенті Нұрсұлтан Әбішұлы Назарбаев сайланды.
• 3.1991 жылы 16-желтоқсанда Қазақстан тәуелсіз Республика деп жарияланды.

ІІ-топ. «Ту елі»

• 1.1992 жылы 2-наурызда – Қазақстан Республикасы БҰҰ мүшелігіне қабылданды.
• 2.1993 жылы 15-қарашада – Қазақстан Республикасының Ұлттық ақшасы – Теңге айналымға енді.
• 3.1994 жылы – Қазақстанның жаңа ордендері мен медальдары дүниеге келді.

ІІІ-топ. «Әнұран елі»

• 1.1995 жылы 30-тамызда – Қазақстан Республикасының Ата заңы қабылданды.
• 2.1998 жылы 6-мамырда – Елбасының жарлығымен Ақмола қаласы – Астана деп аталатын болды.
• 3.1999 жылы – Білім заңы қабылданды.
• 4.Мақал сөздің мәйегі:

(Отан туралы мақал-мәтел айту).

• 5.«Менің Отаным» эссе жазу.

Әр топ сауатты етіп шығарма жазу.

Қорытынды:

Оқушылар!Бүгін біздер Отанымыз Қазақстан, оның Әнұраны, Туы, Елтаңбасы туралы әңгімеледік.

Қазақстан - бүгін еліне достық туын тіккен жер. Ендеше Қазақстан Республикасының азаматы болғанымызды мақтан тұтайық. Үлкен азамат болыңдар!

Хор: «Менің Қазақстаным».