Тізбектелген сабақтар топтамасына алынған бір сабақ бойынша рефлексивтік есеп.

«Физика және астрономия»  пәнінен 7 сыныптың тізбектелген сабақтар топтамасына алынған екінші сабағымның тақырыбы: Жай механизмдер. Бұл сабақтың мақсатында оқушыларды жай механизмдерді танып, олардың өмірдегі пайдасын анықтау. Міндеттері: күштен қанша ұтыс болатынын дәлелдеп, өз пікірін ұстана білуге үйрету, өзгенің де пікірін тыңдап, құрметтей білуге тәрбиелеу болды. 7 сыныптың  бесінші сабағы болғандығын және оқушылардың шаршап келгендігін ескеріп, сергіту сәтін жүргіздім. Оқушылар онда  өздері құрған  жаттығуларын жасағандықтан бойларын жазып, сабаққа ерекше құлшыныспен кіріскенін байқадым, олай дейтінім алдыңғы сабақта мен ұсынған сергіту жаттығуларын орындағанда мұндай көтеріңкі көңіл-күйді көрмеп едім.