"Описание материала:

"Мектеп математика курсындағы ең қиын да қызық тақырыптардың (тараулардың) бірі - стереометрия бөлімі.

Қызық болатындығы - мектеп курсында оқытылатын стереометриядағы геометриялық денелердің барлығы дерлік оқушыларға олардың кішкене сәби кездерінен таныс деп айтуға болады, мысалы: текше (куб) - ойын сүйектері (текшелері), тікбұрышты параллелепипед - жәшік, кірпіш, цилиндр - бөшке, конус - буратиноның немесе аяз-атаның (снеговик) мұрыны, қиық конус - төңкерілген шелек және т.с.с.

Ал қиындығы, бірінші кезекте, оларға немесе олардың комбинацияларына қатысты нақты есептерде нақты есептеулер талап етілген жағдайларда геометриялық денелердің өзара орналасу жағдайларын, олардың қиылысатын (ортақ) бөліктерін дәл анықтап көз алдарына елестетудің оңай еместігінде және қажетті элементтерді дөп тауып, олардың өзара байланыстарын анықтаудың да күрделі мәселе екендігінде.

Мақала оқушыларды осындай қиыншылықтарды жеңе білуге үйретуге бағытталған.