•Шәрәф Хасиятулла улы Мөдәррисов 1919 нчы елның  1 ноябрендә Татарстан республикасы, Чүпрәле районы, Түбән Каракитә  авылында крестьян гаиләсендә дөньяга килә.Үз авылында башлангыч һәм күрше Мунчали авылындагы  җидееллык  мәктәпне тәмамлагач , 1935 нче елда Казанга килә һәм  педагогика  институты каршындагы рабфакка укырга керә. Аны тәмамлагач, ике еллык укытучылар институтында укый. •1933 нче елдан  ук шигырьләре белән матбугатта күренә башлаган Ш.Мөдәррис студентлык чорында аеруча дәртләнеп иҗат итә.1937 нче елда ук инде  унсигез яшьлек  комсомол егетнең “ Үскәндә” исемле беренче шигырьләр җыентыгы дөнья  күрә. Ша-гыйрьнең әдәби тәрҗемә өлкәсендәге беренче тәҗрибәләре дә шушы чорда башлана.1941 нче елда аның тәрҗемәсендә чуаш әдәбияты классигы Константин Ивановның атаклы • “ Нарспи” поэмасы басылып чыга. Поэманың турыдан –туры  оригиналдан тәрҗемә ителүе ул заман тәнкыйтендә аеруча уңай күренеш итеп бәяләнә. Берникадәр вакыт республика яшьләр газетасы “ Яшь сталинчы” редакциясендә эшли.