XX ғасырдағы қазақ әдебиетінің негізін салушылардың бірі-Сәкен Сейфуллин аз ғана ғұмырында өлмейтін мол мәдени мұра қалдырды.Қазақ әдебиетінің барлық жанрында тамаша туындылар берген жаңашыл жазушы қаламынан туған шығармалар халық өмірінің ең бір көкейкесті тақырыптарын қопара көрсетіп,жанды бейне,көркем образдар арқылы терең идеялар айтып,эстетикалық игіліктер жасады.Оның тамаша туындыларының бірі-"Көкшетау" поэмасы екені анық.Сәкен Көкшетаудың табиғат сұлулықтарын сырттай тамсанып,құр тамашалаушы емес,ол бұл атыраптын ой-қырын,өзен-көлін,тоғай-орманын,тау-тасын түгел аралап,әбден терең біліп алғаннан кейін,ескі көз,кәрі құлақты тыңдап,бұрынғы хикая,ежелгі шежіреге толық қанып барып жазған.