41ше урок. Гласный у йÿк да у, У буква-влак       Урокын  цельже : у, У буква-влак  дене  палдараш, гласный у йÿк  палымашым  пеҥгыдемдаш, у йÿкан  мут-влакым  лончылаш  да  шомаклаште  у йÿкын  вержым  палаш туныкташ, икмыняр мутын  структуржым  схеме дене  ончыкташ.        Уроклан мо кÿлеш: буква кассе, конвертыште кружок-влак, индивидуальный наборный полотно, предметный сÿрет-влак, 2-шо таблице. Урокын эртымыже: 1.      Кодсо урокысо материалым ушештарымаш. Почеламутым шарнымаш: Ай, чолга вет агытан, Муралта могай уста. -йодыш-влаклан вашештымаш: гласный а йÿкан мутым кӧ могайым шарна? Ау шомакыште гласный а йÿк могай верыште шога? Шар мутышто? Оҥа шомакыште?  Тиде мо? (туныктышо шарым ончыкта). Ынде пырля каласен ончена. (Шааар.)  Могай йÿкым шуйдарышна? (гласный а йÿкым.) Тудо кушто шога? (Мут покшелне). 2.      У материал. Текстым тунеммаш, гласный у йÿкым ойырен лукмаш да гласный у буква дене палыме лиймаш. Ончыч тунемме почеламутымым ушештарымаш: Мыйын уло самосвал.  Тудым шупшын ом ноял. Ту-ту-ту, ту-ту-ту! Ашиманже йӧршын у.   -Йоча-влак почеламутым кок-кум гана каласат. -йочан машинаже тошто але у? (У). У мутым айста тушкан каласена: у-у-у. Могай йÿкым ойлышна? (Гласный у йÿкым).  Ужыда: у мут уло, у йÿк уло.     Туныктышо классный кассе гыч налын, у буква-влакым ончыкта. Ученик –влак шке кассыштышт у буквам муыт да нӧлталыт.  -почеламутым тунемыт: Вот тиде а, вот тиде у, а пырля лиеш ау. Вот дите у, вот тиде а, А пырля лиеш уа. - учебник почеш паша: Пушеҥге укшышто могай изи янлыкым ужыда? Тудо кушто ила? Мом кочкеш? Ур мотор янлык мо? Ур нерген кÿчык почеламутым тунеммына:   У ужгам изи урлан Кӧ урген тыге устан? -гласный у йÿкан шомак-влакым палемден кодыман.  Учебник гыч У, ау, мут-влакым лудмаш, нунын дене предложенийым чоҥымаш. -сÿрет-влакым ончен. Гласный у йукан шомак-влакым каласымаш: укш,  ушкал, куку, куэ, тумо. 3 урокым иктешлымаш. -гласный у йÿк возымаште могай буква дене ончыкталтеш? -гласный й йÿкан могай мут-влакым паледа? Урок мурымаш дене пыта  Кушто А букваже? Кушто У букваже? Манын йодынам. Теве А букваже. Теве У букваже- Лудынат моштем