Әлеге конспект "Сөйләм стильләре" темасына язылган. Татар теленең барлык стильләре дә әлеге конспектта карала. Бу материала татар телле укучылар төркемендә кулланса, уңайлырак булыр дип саныйм. Әмма рус төркемендә укучы балалар өчен дә куллану мөмкин. 

“Сөйләм стильләре” дигән темага

дәрес эшкәртмәсе  үрнәге

(9 нчы сыйныф)

I. Дәреснең максатлары:

     1) коммуникатив: төрле сөйләм стильләрен кулланып, “Халык санын исәпкә алу” темасына карата фикер алышу;

     2) фәнни: сөйләм стильләре турында тирән мәгълүмат бирү;

     3) тәрбияви: татар милләтенә карата мәхәббәт хисе уяту. Укучыларны җәмгыятьтәге үзгәрешләргә, вакыйгаларга игътибарлы булырга өндәү.

II. Дәреснең бурычлары:

1)     фәнни, рәсми, публицистик, сөйләмә, матур әдәбият стильләрен танырга, бер-берсеннән аерырга өйрәтү;

2)     сөйләмдә сирәк очрый торган рәсми стильне куллану күнекмәләрен булдыру;

3)     публицистик, матур әдәбият, сөйләмә стильләрне куллану күнекмәләрен булдыру.

III. Принциплар:

1)     дидактик: фәннилек, күрсәтмәлелек, эзлеклелек, укучыга индивидуаль якын килү, предметара бәйләнеш (тарих);

2)     лингвистик: функциональ һәм бүлекара бәйләнеш (синтаксис, пунктуация);

3)     гомумметодик: коммуникатив, ситуатив-тематик.

4)     хосусый: лексик-семантик, теория белән сөйләм практикасы берлеге.

IV. Укыту ысуллары: аңлату-күрсәтү, өлешчә эзләнү, тикшеренү ысуллары.

V. Укыту алымнары: карточкалар, текстлар, схема, такта белән эшләү.

VI. Дәрес төре: катнаш дәрес.

VII. Җиһазлау:  карточкалар, схема, эпиграф.

VIII. Файдаланылган әдәбият:

В. Х. Хаков “Мәктәптә стилистиканы өйрәнү: укытучылар өчен ярдәмлек”, “Татар әдәби теле (стилистика)”.

www.perepis -2010.ruсайты

М.М. Шәкурова, А.Ф. Йосыпов “Татар телен укыту методикасы” һ.б.