Сыйныфтан  тыш чараның максаты: Укучыларда игенче хезмәтенә кызыксыну  уяту, хөрмәт,ихтирам  тәрбияләү. Икмәк кадерен белергә өйрәтү,ипигә карата сак караш тәрбияләү,сакларга өндәү.  

   Кулымда яңа гына мичтән чыккан күпереп пешкән түгәрәк икмәк.Икмәк!Никадәр кадерле ул, мәртәбәле ул, олы ул! Әллә нинди ризыклар торса да, аннан башка табында ямь юк. Табын падишаһы ул, тормыш падишаһы! Ул тамагыбызның тук булуын, тормышыбызның мул булуын раслый. Шушы икмәккә караган саен хозурлыгым арта, горурлыгым арта. Борыныма бәреп кергән хуш исендә иркен кырлар исен, җылысында туган туфрак җылысын тоям.