Түсінік хат

            Адамзат қоғамы мен табиғи орта арасындағы қарым-қатынас қазіргі кезеңдегі ең өзекті мәселелердің бірі болып табылады. Экологиялық жағдайдың нашарлауы қоршаған  ортадағы қайтарымсыз табиғи өзгерістерге әкеліп соғып отыр. Айталық, климаттың жылынуы, өзен-көлдердің суының азаюы, мұздықтардың еруі, сел тасқындардың жиі қайталануы, биологиялық алуантүрліліктің азайып, тіршіліктің жұтаңдануы және т.б. ғаламдық экологиялық проблемалар адамзат баласының болашағына деген алаңдатушылық туғызып  отырғаны сөзсіз.

8-класқа арналған «Табиғатты қорғау негіздері» таңдаулы курс бағдарламасы оқушылардың қоршаған табиғи ортаға адам қоғамының шаруашылық әрекеттерінің нәтижесі жайлы түсініктерін тереңдету үшін Қазақстан Республикасы Үкіметінің 2012 жылғы 23 тамыздағы №1080 қаулысымен бекітілген Орта білім берудің (бастауыш, негізгі орта, жалпы орта білім беру)мемлекеттік жалпыға міндетті білім беру стандарты негізінде жасалды.

         8-класқа арналған «Табиғатты қорғау негіздері» таңдаулы курсына 34 сағат бөлінген.

Бағдарлама оқушылардың білігін жетілдіріп, жоғары білім сапасын қамтамасыз етеді деп үміттенемін.