Сыныбы:2

Тақырыбы: Мата түрлері. Жіп туралы мәлімет. Жіппен жұмыс түрлері.

Мақсаты:

1.Оқушыларға мата тарихынан, түрлерінен мағұлмат беру

2.Ізденімпаздығын, шығармашылық қабілетін дамыту

3.Өнерді сүюге, құрметтеуге, шыдамдылыққа, ұқыптылыққа тәрбиелеу

Түрі: аралас сабақ.

Әдісі: сұрақ-жауап, талдау, сарамандық жұмыс.

Көрнекілігі: альбомдар, мата қиындылары, қауіпсіздік ережелері.

Сабақтың барысы:

І. Ұйымдастыру кезеңі. Оқушылармен амандасып, назарларын сабаққа аудару.

Балалар, бір – біріңе қарап жымиыңдар, жайланып отырып, көздеріңді жұмыңдар. Менің айтқанымды іштеріңнен қайталаңдар.

Мен бақытты баламын,

Жан дүниемде күн нұрлы

Жылуым мол болады.

Осы жылуды Жер бетіндегі барлық адамдарға жолдаймын.

Менің оқығым келеді! Білімді, алғыр болғым келеді!

Ал, ендеше сабаққа дайын болсақ, сабаққа керек заттарыңды,, оқу-құралдарыңды ,қажетті заттарыңды алып, артық заттарымызды сөмкемізге салып қоямыз.

ІІ. Үй тапсырмасын сұрау:

Үлгі бойынша қол арба құрастыру.

ІІІ. Мақсат қою кезеңі: балаларға сабақтың мақсатын хабарлау.

ІҮ. Жаңа сабақ. Кіріспе.

Балалар бүгінгі сабағымызда мата туралы өтеміз. Мата дегеніміз не? Мата қайдан алынады? Матаның жібек, мақта-мата және жүн сияқты түрлері бар. Матаны шығарудың ең алғашқы сатысы-талшықтан жіп жасау. Мата негізінен талшықтан тұрады. Талшық табиғи және қоспалы болып бөлінеді. Табиғи жіп жануарлардан мысалы:қой, ешкі, түйеден алынады. Бұл табиғи жіп. Табиғи талшықтарға өсімдік (мақта, зығыр да жатады). Мақта қазір өзімізде Оңтүстік Қазақстанда арнайы өсіріледі. (Шымкентте). Бұрын матаны шетелден Ұлы Жібек жолы тасымалдау арқылы киім тікті. Маталар бір-біріне түсі өрнегі, қалыңдығы мен төзімділігіне қарай ажыратылады. Матаның оң және теріс беті болады. Мата гүлді болса да, гүлсіз болса да оң және теріс беті білініп, көрініп тұрады.