Тренинг

«Өзің таңдаған өмір»

Мақсаты: Жеткіншектердің өзін-өзі тануын, өмірге оң көзқарасын қалыптастыру.

Тренингтің негізгі тапсырмалары:

қатысушының жеке тұлғалық ерекшеліктері мен мінез-құлқын анықтау;

оқушыларды шиеленіс жағдайдан шыға білуге үйрету;

өзін-өзі іштей бақылауға және тежеуге үйрету;

негативті импульсті шығару, жою.

Керекті заттар: түрлі-түсті қарындаш, гуаш, әр қатысушыға А4 қағазы. Сабақ алдында қатысушыларға өз есімдерін жазуға бейдж таратылады.

Тренингтің барысы:

Жүргізуші: Бүгінгі біздің кездесуіміз әрбіреуіңе қызықты әрі қажет болады деген сенімдемін. Бүгін біз бір-бірімізді тыңдауға, өз-өзімізге сенімді болуға, әрі өзімізді қорғай білуге үйренеміз.

1.Сәлемдесу. (5 мин) Келген қонақтарға өздеріңді таныстырып өтіңіздер.

«Менің есімім және танымалдылығым» техникасы- өздеріңізді Қазақстанның бір жұлдызына теңеп есімдеріңізді айтыңыздар. Мысалы: Менің есімім Мақпал. Мен психология ғылымының докторы Анна Құдияровамын. Өте жақсы, рахмет.

Бүгінгі тренингке қош келдіңіздер. Енді орындарыңызға отырыңыздар балалар бүгінгі біздің тақырыбымыз өзің таңдаған өмір деп аталады. Өмірде адамдар әртүрлі жағдайларға тап болып, қандай көңіл-күйді түрлі сезімдерді басынан кешіреді

2. Жаттығу. «Ойлануға арналған балықтар» (10 мин)

Біз бір-бірімізді жақын тану үшін алдыларыңда жатқан аяқталмаған сөйлемі бар карточканы алып, өз сөздерімен аяқтаңдар.

Карточкадағы сөйлемдер:

Ең үлкен қорқыныш – бұл...

Мен мынадай адамдарға сенбеймін...

Мен ренжимін, егер...

Мен ұмытпаймын, егер...

Маған көңілсіз, егер...

Егер маған дауыс көтерсе, мен...

Мен қарсыласқанда...

Егер мен сенімсіз болсам, онда...

Жүргізуші: Сөйлемді аяқтағанда, сіз қандай сезімде болдыңыз? Әрине, әрқайсымыз қорқыныш, сенімсіздік, сәтсіздік сезімдерінен өттік. Ренжіген, нашар көңіл-күй немесе көңілсіздік болған шығар. Бұл сәтте қолдау мен сүйенішті қажет етеміз. Ежелгі кезде адамдар өздеріне талисмандар ойлап табатын. Бүгін біз өзімізге қолдау ойлап табамыз.

3. «Менің таңбам» әдістемесі (15 мин)

Жүргізуші: 15 ғасырдың екінші жартысында Еуропалықтар қоғамдағы өз орындарын білдіру үшін арнайы эмблемалар пайдаланған. Атақты адамдар өз таңбаларын мақтан тұтқан. Бұл таңбадан адамның жеке ерекшеліктерін, отбасы жетістіктерін, мінезін білуге болған. Таңба – негізгі қалқан болып табылған. Қалқан – қиын кезде қорғаныш, көмекші. Қазір әрқайсысымыз өзімізге таңба жасаймыз. Ол үшін сендер таңба бейнесі бар парақтар аласыңдар, ол бес бөлікке бөлінген. Сендер ең бірінші нені істей аласыңдар, соны бейнелеу керек. Екіншіден - өздеріңді жақсы сезінетін жер (отбасы, мектеп, достарыңның ортасы, т.б.). Үшіншіден – ең үлкен жетістігім. Төртіншіден – сенімді үш адам. Осының бәрін сөз, сурет, символ арқылы көрсетіңдер. Бесіншісінде - өзің туралы естігің келетін үш сөз.

10 минут уақыт беріледі.

Өзімді жақсы сезінетін орта

Мен жақсы істей аламын

Қатысушылар қалаулары бойын-ша өз жұмыстарын көрсетеді.

Жүргізуші: Біз дайындаған жұ-мыс өзімізге көмектеседі. Осыны әр-қайсысымыз есімізде сақтауымыз керек:

Мен сенетін үш адам

Өзім туралы естігім келетін үш сөз

Ең үлкен жетістігім

- ішің пысқан кезде өзің істей алатын

жұмысты еске түсіру;

жалғыздықты сезгенде өзіңнің ойларыңды бөлісе алатын адамдарды еске түсіру;

- өз жетістіктеріңді еске түсіріп, сенімді

түрде тағы қандай жетістікке жете алатының туралы ойлан;

- өзіңе жайлы, демалатын жерді ойла;

- Өзіңді нашар сезінгенде, ренжіп, қорыққанда, қапаланған кезде рухыңды көтеру үшін өзі туралы естігің келетін үш сөзді дауыстап айт.

4. Позитивті мультфильм (5 мин)

- Мына мультфильмнен нені түсіндіңдер?

- сендер осындай күйге түскен кездерің болды ма?

Қоштасу балалар сендерге бүгінгі тренингтен естелік, ретинде «Егерде сен, өмірдің қиын жағдайына тап болсаң » жадынамасын ұсынғым келеді.

5. Рефлексия. (5мин)

1. Біздің сабақтан өздеріңе қандай жаңа нәрсе алдыңдар?

2. Сендерге не ұнады, не ұнамады?