Сабақтың  мақсаты:

1. Білімділік:  Оқушыларға таза ауаның денсаулық үшін маңыздылығын түсіндіру.

2. Дамытушылық:  Оқушылардың ой–өрісін дамыта отырып, өз ойын айтуға дағдыландыру. Шығармашылық жұмыс жасауға,  ізденуге үйрету.

3. Тәрбиелік: Табиғатты аялауға, сүйіспеншілікке, экологиялық жағдайларды дұрыс түсінуге, адамгершілікке тәрбиелеу.

Сабақ түрі: аралас сабақ

Әдіс-тәсілдер: Түсіндіру, сұрақ – жауап.

 Көрнекілігі:  Табиғат көріністері, өндіріс орындарының суреттері, бәйтерек ағашы.

Сабақтың барысы:

І. Ұйымдастыру кезеңі: : Оқушылардың сабаққа дайындығын тексеру.

ІІ. Үй тапсырмасын сұрау

1. Күн сәулесі нені қыздырады?

- жер бетін, топырақты қыздырады.   

2. Күн сәулесінен құрлық тез қызады ма, су тез қызады ма?

- Күн сәулесінен суға қарағанда құрлық тез қызады.

3.  Жел дегеніміз не?

- жер бетіндегі ауаның бір жерден екінші жерге ауысуын жел деп атайды.

4.  Желбағар дегеніміз не?

- Желдің күшін және бағытын анықтайтын құрал.

5. Жел қайдан пайда болады?   

-  Ауа жылынғанда жоғары көтеріледі, оның орнына салқын ауа келеді, осы алмасу құблысынан жел пайда болады.

ІІІ. Жаңа сабаққа дайындық.

Туған жердің ауасы да шипа.демекші

Балалар біз  ауасыз  өмір сүре аламыз ба?

Олай болса мын бәйтеректің ерекше жапырақтарын дұрыс орналастыру мақсатында біз жаңа сабақтың тақырыбын ашамыз

ІV. Жаңа сабақ: Таза ауа–денсаулық кепілі. Әр адам тәулігіне бірнеше мың литр ауа жұтады.Ауа мөлдір түссіз.Ауаның пішіні жоқ. Ең алдымен ауадағы оттегі өкпеге барады, ол бүкіл ағзаға тарайды. Зиянды заттармен тыныс алған адам тез шаршайды.  Ол әр түрлі ауруларға шалдығуы мүмкін. Адам жақсы демалуы үшін оған таза ауа қажет. Теңіз жағалауында, орман ішінде таза ауа болады. Ауаға зиян келтіретін экологиялық жағдайлар болады.

         Ал жер бетіндегі ауа құрамында денсаулыққа зиянды қоспалар араласып жүреді. Әсіресе  өндірістік қалаларда ауа көп ластанады. Ауаның тазалығын сақтауы үшін ірі кәсіп орындар фабрика, зауыттар, жылу орталықтарының моржаларына қондырғылар орнатылады.Бензинмен жүретін көліктер көп мөлшерде ұлы заттарды бөліп шығарады. Айналадағы ауаның тазалығын сақтауда көгалдандыруды маңызы зор.

         Өсімдік ауа құрамындағы көмірқышқыл газын, зиянды заттарды, шаңды жұтып оның орнына оттегі бөліп шығарады. Әр адам жасыл өсімдіктерді отырғызуға атсалысуы керек.