Бұл сабақ 0101000 –«Мектепке дейінгі тәрбие мен оқыту» мамандығы бойынша технология әдістемесі пәнінен өткізілді. Сабақта студенттер жіппен бейнелеудің тәсілдерін меңгерді.     Жалпы бұл жіппен  бейнелеу  өнері бірінші  рет  Англияда XVII ғ. пайда болған. Ағылшын  тоқымашылары  жіппен тоқудың ерекше тәсілдерін  ойлап  тапты. Тақтайшаларға шегелер қағып, белгілі бір тәртіп бойынша жіпті тартқан. Осындай әдіспен жасалған бұйымдар тұрмыста безендіру мақсатында қолданылып, үйдің сәнін келтірген. Қазіргі  уақытта   жіппен  бейнелеу   өнері  жақсы танымал, мұндай бұйымдар интерьерді безендіруде, сыйлықтарды  орындағанда кеңінен қолданылады.