Сынып сағатының тақырыбы: «Темекі шегу – сіздің  денсаулығыңызға зиян» Мақсаты: қоғамдағы өзекті мәселенің бірі темекі туралы, оның құрамы, адам ағзасына тигізер зияны туралы дерек келтіре отырып, зиянды әдеттерден аулақ болуға, темекіге үйір болмауға тәрбиелеу.   Міндеттер: -Теріс әдеттерге бұрыс қатынастарды қалыптастыру. -Денсаулыққа зиян келтіретін факторларды анықтай алу қабілетін қалыптастыру. -Тұлғаның жеке денсаулығы мен ерекшеліктері туралы білімін қалыптастыру.   Түрі: жарыс сабақ Әдіс-тәсілдері:  түсіндіру, баяндау, талдау Көрнекілігі: слайд, темекі туралы бейнетаспа, интербелсенді тақта. Сабақ барысы: I кезең.  Сәлемдесу II кезең. Бәйге. Сұрақтар қою ІІІ кезең «Көкпар тарту» Мақал-мәтел жарысы. IV кезең:  «Уланбасын өмірің» көрініс қою. V кезең. «Тығырықтан шығу»  VI кезең. Жалғасын тап Мұғалім сөзі:    -Сәлеметіздер ме? Құрметті ұстаздар, ата-аналар,оқушылар! Тәрбие  сағатымызға қош келдіңіздер. Тәрбие сағатымызды бастамас бұрын  оқушылар. Қазіргі кезде адам ағзасын улайтын бірнеше зиянды заттар бар.  -Адам ағзасын улайтын қандай заттарды білесіндер? - Темекі, арақ, шылым, анаша «Темекі шегу – сіздің денсаулығыңызға зиян» атты тәрбие сағатымызды ашық деп жариялаймын. Елбасымыз Н.Назарбаевтың «Қазақстан -2050» стратегиялық даму бағдарламасындағы халқына жолдауында «Қазақстанның әрбір азаматының денсаулығы мықты, хал-ахуалы жақсы болуы тиіс» деп атап көрсеткен болатын. Яғни, мемлекеттің бірінші кезектегі атқаратын шараларының бірі халық денсаулығын нығайту.