«Тіл-тірегіміз, соғып тұрған жүрегіміз»

атты тілдер күніне арналған мерекелік іс-шараның жоспары

Мақсаты: 1. Оқушыларды мемлекеттік тілдің қадір-қасиетін біліп, өз ана тілінің көркемдігін сезініп, сөз құдіретін түсініп, оның адам өміріндегі маңызын ұғуға үйрету.

Көрнекілігі: итерактивті тақтада Президент портретін, Қазыбек, Әйтеке, Төле билердің портреттерімен нақыл сөздері,«Қазақстан халықтарының достығы», Қазақстанның көркем жерлері туралы слайдтар көрсету.

Сахнаның ашылуы: Би: «Гүлдерайым» биі

Жүргізуші:Қош келдіңіздер, құрметті ұстаздар мен оқушылар! Сіздерді ұлттық мереке- Тілдер күнімен шын жүректен құтықтаймыз!

Жүргізуші: Бүгін тілдер мерекесіне арналған  «Тіл тірегіміз, соғып тұрған жүрегіміз» атты мерекелік шарамызға қош келдіңіздер.

Жүргізуші:Тіл – қай ұлтта, қай елде болса да қастерлі, құдіретті. Ол әрбір адамға ана сүтімен бірге еніп, қалыптасады. Тіл байлығы - әрбір елдің ұлттық мақтанышы. Өз ана тілін қадірлеп, қастерлемейтін адам жоқ.

Жүргізуші: Қазақ тілі-ана тілміз. Ана тіліміз мемлекеттік тіл болып үлкен мәртебеге ие болды. Қазақ халқы үшін мол мұрамыздың алтын  діңгегі тілден басталады.

Жүргізуші : Қазақстан Республикасында 130 дан астам ұлттар өмір сүреді. Әр халықтың тілі қайнар судың тұнбасындай мөлдір, сазды дыбыстарға бай, ұлттың тілі, әні, үні болып шалқар дариядай шалқуда.

Айтжан Әсем. М. Шаханов. «Төрт ана»

«Қазақ осы» әнімен сахнада  Атажан Шералы

Ақындардың өлең-жырларынан үзінді

1.Сүйемін туған тілім – анам тілім,
Бесікте жатқанымда –ақ берген білім
Шыр етіп жерге түскен минутымнан
Құлағыма сіңірген таныс үнін

2. Туған тілде сыры терең жаным бар,
Туған тілде әнім менен сәнім бар,
Туған тілім тіл болудан қалса егер
Жүрегімді суырып – ақ алыңдар

3. Туған тілім - тірлігімнің айғағы
Тілім барда айтылар сыр ойдағы
Өссе тілім, мен де бірге өсемін
Өшсе тілім мен де бірге өшемін.

4.Тілім менің ғасырлардан аманат
Аманатқа адам болсын қолғанат.
Ар намысқа келтірмейік жаман ат.
Қазақ болып туылдың ба, азамат

«Қаражорға» биімен сахнада Кәрімжанқызы Аружан

Итерактивті тақтадаҚазыбек, Әйтеке, Төле билердің портреттерімен нақыл сөздері (мұғалім мәнерлеп оқып береді)
Жүргізуші : О, туған жер! Қасиетіңнен айналайын
Тамсанамын, қарап тұрып артыңнан
Шыққан балаң, қазақ деген халықтан
Нәр аламын, жер- анадан алыптан.

Жүргізуші : Еліміздің мемлекеттік тілі қазақ тілі екені барлығымызға аян.
Халқым теңіз толқыған,тілім терең
Мен мақтанам баршаға тілімменен
Ең асылың не?- десе құрметтейтін
Ойланбастан асылым тілім дер ем.

Сахнада 9-сынып оқушыларының  тіл өнері

Слайд көрсету «Қазақстан халықтарының достығы»
Жүргізуші: Тіл- халықтың жаны, сәні, адамды мұратқа жетелейтін – ана тілі мен ата дәстүрі. Елімізде 130-дан астам ұлт өкілдері өмір сүріп келеді. Әр халықтың өзінің ана тілі, дәстүрі бар.
Жүргізуші: 130-дан астам халықтың мекені болып отыр. Олардың барлығы бір шаңырақтың астында тату - тәтті өмір сүруі Елбасымыз Нұрсұлтан Әбішұлы Назарбаевтың көрегенді саясатының арқасы екені даусыз. Сіздер бұл кеште Қазақстанда тұратын басқа ұлт өкілдерінің Қазақстанға деген ыстық ықыласы мен сүйіспеншілігінің,қазақ ұлты мен тіліне деген құрметінің куәсі боласыздар.

Жүргізуші :Қазақстанда тұратын барлық ұлттар еліміздің ашық аспаны мен көк туының астында бейбіт өмір кешіп жатыр. Біздің жүрегіміз бейбітшілікті қалайды. Бәріміз бейбітшілік туын жоғары көтеріп,болашаққа нық қадам басайық.

Сахнада өзге  ұлт оқушыларының  мәнерлеп оқылымы.
Орыс: мен орыспын, сыйлаймын қазақ ұлтын,
Қастерлеймін тарихын,салт-дәстүрін.
Өйткеі мен өркендеп осы жерде,
Топырағын қазақтың басып өстім.
Өзбек:Мен өзбекпін, сүйемін қазақ жерін,
Қазақ жері-ол менің туған жерім.
«Жолдас болсаң қазақпен адаспассың»
Деген өзбектің мақалын жаттап өстім.
Татар: мен татармын, сүйемін қазақ тілін,
Қаймағы бұзылмаған таза тілдін.
Қазақ тілі лайық деп білем мен,
Болуға да ортақ тіл немістердің.

Қазақ: мен қазақпын, иесімін кең даланың,
Талай Жаудан бұл даланы қорғаған.
Өзгелердің басына күн туғанда,
Жат көрместен құшақ жайып қарсы алғанмын.

1-оқушы: Корей, украин, немістен
Көп ұлтты шаңырақ біріккен,
Бәрінің жүрегін жібіткен
Ынтымақ ұраны мекенім!

Күй             Ергеш Ақбаян

Атажан Шералы «Қазақстан» әні

Жүргізуші : Туған жер – алтын бесік,асыл анам,
Ауаңмен ақ сүтіңмен асыраған.
Мен – дағы ұлың едім өзің тектес.
Алысқа несібесі шашыраған,- деп әркімнің өзінің туған жері, кіндік қаны тамған жері ән-жырларда өлеңмен жырланған.

1. Сақтар болсаң халқыңды – тілді сақта
Баға жетпес мұра жоқ тілден басқа!
Тілден өзге жиһаздың бәрін түгел
Базарлайсың қалтаңда ақшаң жатса.

2.Көп тіл білсең көкжиегің кең болар,
Құрметтейді кісі екен деп төрге озар
Қай елде жүрсең де бұл дұрысы
Мемлекеттік тілді үйренген жөн болар.

Ән. Бекет Бекарыс. «Қазақстан»

Көрініс:  Шешендік сөздер

Жүргізуші : Тілмен ғана қызық менің тірлігім
Тату еткен ел мен елдің бірлігін.
Туған тілмен асқақ шығып ізгі үнім,
Туған тілде алып жүрміз біз білім.

Жүргізуші :Тарихы бар дастанымдай ерліктің,
Дәстүрі бар үлгісіндей елдіктің .
Қазақстан – алтын бесік Отаным,
Ұлы ордасы татулық пен теңдіктің.

Жүргізуші :Ел тарихы, жер тарихы – өзіміз,
Болашақтың қасиетті көзіміз.
Барлық ұлтпен бауырласып жетерміз,
Ақ, қараны тіліп тұрса сөзіміз.

Кәрімжанқызы Аружан. «Ақкөгершін» әні

Қорытынды: Осымен тілдер күніне арналған мерекелік іс-шарамыз аяқталды. Әрқашан достығымыз көп болсып, көп тілді меңгеріңіздер. Еліміздің аяулы азаматы болып өсіңіздер.