"Описание материала:

Тәрбие сағатының тақырыбы: «Алғыс» Сабақтың мақсаты: Балаларды рухани байлықтың көзі – алғыс сөздермен таныстыру, алғыс сөздердің адамның ішкі дүниесінің өсуіне және адамдар арасындағы келісімге жақсы әсер ететініне көздерін жеткізу, қалыптан тыс терең ойлау қабілеттерін дамыту. Әдістер: әңгімелесу, әр түрлі жағдаяттарды талқылау, практикалық жұмыс, әңгіме. Құралдары: жұмыс дәптері, «Үш қыз» әңгімесі. Сабақтыың барысы "Мұғалім: Сәлеметсіңдер ме, балалар. Сендермен кездескеніме өте қуаныштымын. Сендерге бүгінгі сабағымыздың тақырыбы «Алғыс» екенін хабарлаймын. Кей кездері бәрімізге жақсы сөздер, алғыс сөздер жетіспей жататынына келісесіздер ғой. Адамдар бір-біріне ризашылықтарын, алғыстарын білдіріп тұру керек. Әр күні біз өз-өзімізге «Бүгінгі күнге не үшін алғыс білдіруім керек?» деген сұрақты қойып отыруымыз керек. Балалар, қазіргі осы сұраққа жауап беруге тырысып көріңдерші. "1-оқушы: Біз бейбіт аспан үшін, жарқыраған күн үшін ризашылығымызды білдіруіміз керек. "2-оқушы: Мектепте оқып, білім алып жатқанымыз үшін алғыс айтуымыз керек. "Мұғалім: Адамдар бір-біріне деген алғыс сезімдерін қандай сөздер арқылы білдіреді? "3-оқушы: «Рахмет», «алғыс айтамын» «сізге өте тәнтімін», «көп-көп рахмет», т.б. сөздер. "Мұғалім: Балалар, осы сөздерге назар аударыңдаршы. Алғыс айту – бір адамның екінші адамға деген ықыласы, оны мойындау сезімі, жақсылығы үшін білдіретін ниеті. 2. «Үш қыз» әңгімесін оқу, оны талдау. «Үш қыз» әңгімесі. Авторы: Какиева М.Н. Әңгімені оқып талдаймыз. "Мұғалім: Бұл әңгіме не туралы? "1-оқушы: Бұл әңгіме апалы-сіңлілі үш қыз туралы. Мұғалім: Бұл әңгімеден қандай әсер алдыңдар, нені ұқтыңдар? "2-оқушы: Кішкентай қыз Әсел әжесін өте жақсы көреді екен. Ол әрқашанда әжесінің жанында болуға тырысатынын байқадым. "3-оқушы Әсел өзінің бұл дүниедегі ең жақын адамы әжесі екенін ұмытпайды және әжесіне деген шексіз алғысын білдіргісі келеді. 3. Әр түрлі жағдаяаттарды талқалау. "Мұғалім: Балалардың өз ата-аналарын алдайтындары туралы жағдаятты қарастырып көрейік. Мысалы, бала сабақта ұрсатынын біле тұрса да, бала бағаны өшіріп тастайды. Сендер не істер едіңдер? "4-оқушы: Қанша жасырса да түбі шындық ашылады. Сондықтан да қанша қиын болса да шындықты айту керек. "Мұғалім: Әрқайсыларыңмен болуы мүмкін мына жағдаятты қарастырайық. Сенің досың жаман қылық жасағанын сен білесің. Ал мұғалім басқа баладан күдіктенеді. Сен не істер едің? "5-оқушы: Шындықты айту үшін адам батыл, табанды, кесімді, мықты болу керек. Адам тек ар-ұяты таза кезде ғана өзін-өзі сыйлайды. 3. Дәптермен жұмыс. 1. Ағаш жапырақтарына өздеріңнің ең жақын немесе өздерің алғыс айтқыларың келетін адамдардың есімдерін жазыңдар. 2. Ағаш жапырақтарына жақын адамдарыңа арналған алғыс сөздерін жазыңдар. 4. Алғыс сөздерді қолдана отырып, диалог құрыңдар. "Айжан: - Сәлеметсің бе, Әсел. "Әсел: - Сәлеметсің бе Айжан. "Айжан: - Әсел, сурет сабағында маған қарындаш бергенің үшін көп рахмет. "Әсел: - Оқасы жоқ. "Айжан: - Сен көмектеспегенде мен нашар баға алып қалар едім. 5. Мұғалімнің қорытынды сөзі. - Балалар, басқаларға жақсылық жасауға, сараңдық жасамаңдар. Өз сөйлеулеріңде «рахмет», «алғыс айтамын», «өте тәнтімін», т.б. сиқырлы сөздерді көбірек қолдануға тырысыңдар. Жақсы алғыс сөздерін естіген адам жақсы істерін жалғастыруға құлшынып тұратынын ұмытпаңдар. Өз өмірлеріңнің әр сәтін бағалауды үйреніңдер. Сендерді қоршаған жақсы істер үшін әрқашан да алғыс айтып жүріңдер. "