Имаканова Рабига Сарсенбековна Тәрбие сағатының  тақырыбы: «Армысың,  туған  жерім, атамекенім!» Мақсаты: Оқушылардың бойына өз Отандарына деген, туған  жерлеріне  деген сүйіспеншілікті, қамқорлықты  тәрбиелеу, достық пен өзара  сыйластық  сезімдерін  дамыту. Жүргізуші: Қайырлы күн, қымбатты қонақтар, ұстаздар, оқушылар! Бүгінгі тәрбие сағатымыз «Армысың, туған жерім – Атамекенім!»  -деп аталады.Бұл тәрбие сағатымыздың мақсаты – Отанымызды  сүюге, Қазақстан  Республикасының рәміздерін  қастерлеуге, туған елімізге  адал қызмет етуге  тәрбиелеу. Әр азамат өз елінің қасиетті  белгілерін  құрметтеуге, тарихын білуге тиіс.       Еліміздің  егемендік алуы, халқымыздың тарихында  жаңа дәуірдің  бетін ашты, бүкіл  қоғамдық  өмірімізге  жаңа леп, серпін ала келді. Ол – баршамыз бейбіт өмірде, еркіндікті аңсаған  ақ ниет, ақ  тілеумен  өзіміз  тіккен ортақ  шаңырағымыздың тәуелсіздігі. 1-оқушы. Ән ұраным – жанұраным, Айтар әнім – сөйлер сөзім Мәңгі бақи шырқалады, Туған жерім сағынарым, Республикам  әнұраны!