Тәрбиелік шара (сайыс) Көктем аруы 2-сынып

Предмет: Начальные классы
Категория материала: Другие методич. материалы
Автор:

Тақырыбы: "Көктем аруы" қыздар арасында байқау.
Мақсаты: Қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт - дәстүріне байланысты әдептілікке, инабаттылыққа, ізеттілікке тірбиелеу.
Көрнекілігі: «Қыз - елдің көркі» (ұлттық киімді қыздардың суреттері), «Өнер таусылмас азық» (қолөнер түрлерінің фотосуреттері), мақал - мәтелдер, қанатты сөздер.


Жүргізуші: Құрметті аналар, біздің мектептің ұстаздары және байқауға қатысушы арулар! 8 наурыз Халықаралық әйелдер күні мерекесі құтты болсын!
Жүргізуші: Аяулы аналарға ұзақ ғұмыр, бақытты өмір, отбасыларына амандық пен қуаныш тілеймін!
Жүргізуші: Ал, бүгінгі қыздарымыздың өнерлері мен білімдерін байқау үшін «Көктем аруы» атты конкурсымызды ашуға  рұқсат етіңіздер. Жүргізуші: Олай болса бүгінгі «Көктем аруы» қыздар байқауын ашық деп жариялаймыз!
Жүргізуші:
Мен қазақ қыздарына қайран қалам,
Жанары жаны жаздай жайраңдаған.
«Қыз өссе елдің көркі» деген сөзді,
Қапысыз қалай айтқан қайран бабам.
(Қыздарды таныстыру  үшін, ортаға шақырамыз)
Жүргізуші:
Мың бұралған арулар билей басып,
Келеді міне ортаға толқып тасып.
Аруларын сыйлаған халқым менің,
Көңілді қошеметпен қарсы алайық.!

                                                           
1)Екінші - сыныпта оқитын,
Өрнектеп тоқыма тоқитын,
Ән айтып, би де билейтін.
Эльназ деген өнерлі қызымыз.

2) Білімді оқу озаты сыныптағы,
Талай қиын істерді құрықтады.
Толғанайдың  алдында талай іс тұр,
Болашақта жандырар үміт әлі.

3) Атыңнан айналайын Дана деген,
Сенің ісіне жақсы баға берем.
Жеңіс туын тігерсің болашақта,
Үміті зор осы сыныптың саған деген.

4) Аққу құстай қанат қағып самғаған,
Адал жолмен арам іске бармаған.
Адамдықты жаны сүйген қашаннан,
Айжан  қызда  қатарынан қалмаған.

5) Әсем қызым білімді
Меңгерген бар ілімді

6) )Аружан қызым өнерлі
Жинаған бойға өнерді.

Жүргізуші:
Шалқытып мерекеде ән салайық,
Өнерпаз өрендерге тамсанайық.
Әділдік пен шындықты арқа тұтқан
Әділқазы алқасымен танысайық.

Ендігі сәтте бүгінгі байқауымыздың шарттарын атап өтейін.
1 - шарт. «Сәлем – сөздің атасы» – деп аталады, әр ару өзін - өзі таныстырады. (5 мин)
2 - шарт.а ) «Білімді мыңды жығар» әртүрлі сұрақтар беріледі.

б) Мақал мәтелдер  сайысы. Ана , Отан, білім туралы мақал мәтел айтады.

3 - шарт Шебер қолдар» сайысы. Мерекелік сыйлықты қыздарымыз өз қолдарынмен кестеленген кестемен сыйлық дайындау шарт. Кезекпен орта әкелінсін.
4 - шарт. «Өнерлі өрге жүзер», әр ару өз өнерлерін көрсетеді. (Барлық өнер түрлері жатады, оның ішінде ән, би,)..

5- шарт «Сәндік өнер», яғни  қыз балалар шаш үлгісін,киім үлгісн  көрсетеді.

Жүргізуші:
Ақ арулар келіп жетті танысуға,
Бойындағы бар дарынды дарытуға,
Қорықпастан сахнаға келіп жетті.
Әдеппен, ізетпен танысуға, - дей келе қыздарымыз өздерін таныстыруды бастасын.

Ендеше І тур Өзін өзі таныстыру.

2 - тур  «Білімді мыңды жығар» әртүрлі сұрақтар беріледі.

б) Мақал мәтелдер  сайысы. Ана , Отан, білім туралы мақал мәтел айтады

Ақылдылық қыздарға жарасады,
Көзі ашықпен бәрі де санасады.
Келесі білімді мыңды жығар сайысында
Сыналар білімі мен парасаты – дей отырып, келесі кезекте сұрақтарға жауап беріп, мақал мәтелдер айтайық

1.     Ұлттық бас киімді ата. (сәукеле, тақия, бөрік т. б.)
2. Малдың сүтінен дайындалатын ұзақ уақыт сақталатын тағам (құрт)
3. Үш арсызды ата. (ұйқы, күлкі, тамақ)
4.Киізге ою - өрнек басып жасалған кілемше (түскиіз)

5.Көкөністен дайындалған салқын тағам. (салат)

6.Шашқа тағатын әшекей (шашбау)

7.Қыздың бұрымы дегеніміз не? (өрілген шаш

8.Наурыз мерекесі  қашан тойланады?

9.Аналар күні қашан аталып өтіледі?

10.Наурыз көже  неше түрлі тағамнан жасалады? Ата.

б) Ана, отан, білім туралы мақал мәтелдер айтады.

3 - шарт Шебер қолдар» сайысы. Мерекелік сыйлықты қыздарымыз өз қолдарынмен кестеленген кестемен сыйлық дайындау алып келді. Кезекпен орта әкелінсін.
Сымбатына сай киім жарасатын,
Аспандағы айменен таласатын.
Өнеріне сәні сай келіп тұрған,
Аруларға қызығып қарасын деп, - келесі сайысымыз шығармашылық қолөнер сайысы.
Әр ару қызымыз қазақ халқының ою - өрнегін қияды.

          4 - шарт. «Өнерлі өрге жүзер», әр ару өз өнерлерін көрсетеді. (Барлық өнер түрлері жатады,    

          оның ішінде ән, би,).. Өнерсізден қашып жүр,
          Өнермен үлгі шашып жүр.
          Өнерді көп білетін дана болар,
          Өнерсіздің ісі шала болар.
          Қане, қыздардың өнерін тамашалайық.

        1-ші аруымыз   Эльназбен 3-ші аруымыз Дананың орындауында  Ертегілер әні

        2-ші  аруымыз Толғанайдың  орындауында

        4-ші аруымыз  Айжанның орындауында

        5-ші аруында  Аружанның орындауында

        6-ші аруымыз  Әсемнің  орындауында

       

5- шарт «Сәндік өнер», яғни  қыз балалар шаш үлгісін көрсетеді. Көрінер Қыздар сұлу шашбауымен,
Бұрымын кейін серпіп тастауымен.
Жарасқан шашбауымен теңгелерім
Теңгенің кім біліпті дөңгелегін.
 Шаш үлгісін көрсету өнері

 



Қорытынды: Енді әділқазылар алқасына сөз берейік.
Қыздар, бүгін сендер өз білімдеріңді ортаға салып тамаша өнер көрсеттіңдер. Сайысқа қатысқан қыздарымызға және көрермендерімізге үлкен алғысымызды айтамыз. Осындай іс - шараларға белсене араласып, ат салысып қатысқандарыңызға көп - көп рахмет, келесі кездескенше ел аман, жұрт тыныш болсын!

 

 




Тип материала: Презентация Power Point (pptx)
Размер: 11.32 Mb
Количество скачиваний: 12
Просмотров: 148

Похожие материалы