Бу проект 7 нче сыйныфта татар әдәбиятыннан кулланыла. Аның исеме “Татар шагыйрьләре һәм язучылары иҗатында кыш образы” дип атала. Дәрес – проектның максатлары. Белем бирү максаты: чәчмә һәм тезмә әсәрләрдә, рәсем һәм музыка сәнгатендә сурәтләнгән кыш образының үзенчәлекле характер сыйфатларын ачу; Күнекмә формалаштыру максаты: укучыларның ассоциатив фикерләү дәрәҗәсен үстерү, иҗади эшчәнлекләрен активлаштыру, интерпретация күнекмәләрен һәм әдәби текст анализын формалаштыру; Тәрбияви максат: укучыларда эстетик зәвык, әдәбият һәм сәнгатькә карата мәхәббәт хисләрен тәрбияләү. Проект 5 этаптан тора. Соңгы этап -проектны төгәлләү һәм яклау.